Qidiruv

ot Lanj holat, lanj ekanlik.

Palovning lanjligi.

Qadoqchi Hamroqulning tobi qochdi kecha ertalab ham lanjligi bor edi. — A. Qahhor, Tomoshabogʻ

Kuraga yetib kelganida, badanidagi lanjlik kuchaydi. — S. Anorboyev, Oqsoy

Rahim Saidov shularni oʻylab, baʼzan oʻzini lanjlikda ayblardi. — Oʻ. Umarbekov, Yoz yomgʻiri

sft. 1. Tobi aynigan, boʻshashgan; lohas.

Lanj boʻlmoq. Lanj qilmoq (etmoq).

Oʻzimni lanj sezdim.

Mingboshining mayi meni ancha lanj qildi. — S. Abdulla, Mavlono Muqimiy

Tumov, gripp bilan ogʻriganda, umuman, kishi oʻzini lanj sezsa, odatan, qoqirim isteʼmol etiladi. — Gazetadan

2. Ortiq dam yeb, tobidan oʻtgan yoki suvi koʻpligidan uzoq qaynab boʻshashgan; dami oʻtgan, boʻsh.

Qayoqda qoldinglar? Osh lanj boʻlib ketdi-ku. — S. Ahmad, Hukm

3. koʻchma Aniq va qatʼiy fikr bildira olmaydigan; fikridan qaytib, aynib turadigan; mijgʻov.

U oʻzi lanj odam edi.

Brigadirning oʻzi hamon lanj-u, brigada aʼzolari vijdon azobida. — N. Safarov, Mardlar maydonda

[Mulladoʻst:] Tayyor oshga bakovul boʻlmay oʻl! Pok boʻlmasa, buzib qoʻyuvding-ku, lanj. Hamza, — Maysaraning ishi

4. koʻchma Na u yoqdi emas, na bu yoqdi emas; noaniq, mujmal.

Lanj javob. Lanj havo.

— Oʻqishlarini tamomlashaversin-chi, bir gap boʻlar, — deb lanjroq javob qaytargan edi Toʻlamat. — S. Anorboyev, Oqsoy

Hasanov oʻzingiz bilasiz, degandek lanjroq gap qildi. — I. Rahim, Ixlos