Қидирув

н necessary, need, necessity

рвш. 1. Талаб-эҳтиёж бор, даркор, зарур.

Жой керак. Озиқ-овқат керак. Китоб керак.

Бир товуққа ҳам дон керак, ҳам сув керак. — Мақол

Туя

янтоқ керак бўлса, бўйнини чўзади. — Мақол

Қишлоқдагиларни боқиш учун пул керак, кийим керак. — Ойбек, Танланган асарлар

Агар одам, одам боласига ўхшаб умр кечираман деса, унга кўп нарса керак бўлар экан. — А. Қаҳҳор, Қўшчинор чироқлари

2. Ёрдамчи сўз вазифасида

3. 1) феълнинг -(и)ш қўшимчали шаклига бирикиб, тасвирий шаклни ҳосил қилади ва ўзи бирикиб келган сўз билдирган ҳаракатни бажариш лозим бўлган ҳаракат эканлиги маъносини билдиради.

Айтишим керак. Хабар олиш керак. Дам олиш керак.

Ҳозирги кунда илм-фаннинг бирор ёʻналишида етук мутахассис бўлиш учун фаннинг бошқа ёʻналишларини ҳам чуқур билиш керак. — Газетадан

Ёшлар уламолар олдида адаб сақлашлари керак. — Ойбек, Танланган асарлар;

4. 2) феълнинг шарт майли шакли билан бирикиб, гумон, тахмин, эҳтимоллик маъносини билдиради.

Келса керак. Билса керак. Айца керак. Чиройли бўлса керак. Ширин бўлса керак.

У, Чароснинг онаси жаҳл устида шу ишни қилган бўлса керак, деб ўйлаганди. — Ў. Ҳошимов, Қалбингга қулоқ сол

сфт. Керак бўладиган, талаб этиладиган; зарур.

Керакли китоб. Керакли асбоб. Керакли тошнинг оғирлиги ёʻқ. — Мақол

Улар буни варақлаб, керакли газламаларнинг парча-парча нусхаларини кўриб танлайдилар. — Ойбек, Танланган асарлар

Хўжаликка керакли бинолар муддатидан анча бурун битди. — А. Қаҳҳор, Қўшчинор чироқлари

сфт. Кераги ёʻқ, талаб этилмайдиган; ортиқча.

Кераксиз идиш. Кераксиз нарсалар.

Тантибойвачча Кераксиз бўлса ҳам, тантилик учун ҳар хил овқатлар, ичимликлар буюрди. — Ойбек, Танланган асарлар

от Керак бўлмаслик.