Поиск

ot 1. Sutkaning qorongʻi tushgandan tong otguncha oʻtadigan qismi; tun.

Oydin kecha. Qorongʻi kecha,

— Oyimni bir oydan beri koʻrganim yoʻq. Bir kecha yonida yotishni orzu qilaman, — dedi yengillanib Nuri. — Oybek, Tanlangan asarlar

Sidiqjon yoʻlga tushish niyati borligini aytmasa ham, chol bu kecha shu yerda qolishni, erta sahar yoʻlga chiqishni maslahat berdi. — A. Qahhor, Qoʻshchinor chiroqlari

2. Biror narsaga bagʻishlangan, odatda rasmiy va badiiy qismdan iborat boʻladigan kechki umumiy yigʻilish.

Mehmonlar bilan vakillarning qizgʻin tabriklari, xayrli tilaklaridan keyin kechaning rasmiy qismi tugadi. — P. Tursun, Oʻqituvchi

Kecha oxirida Oʻzbekiston sanʼat ustalari katta konsert qoʻyib berishdi. — Gazetadan

3. Bugundan oldingi kun.

Kecha sizni kutgan edim.

Kecha ertalab, shaharni bir aylanib kelayin, deb chiqib ketgan. — A. Qodiriy, Oʻtgan kunlar

sft. 1. Bugundan oldingi kunda yuz bergan, maʼlum boʻlgan; oldingi kunga oid, kecha boʻlgan.

Gazetaning kechagi soni. Kechagi voqea.

Bugun ertalabki choydan soʻng Hasanali kechagi fikrni chinlab amalga oshirmoqchi boʻldi. — A. Qodiriy, Oʻtgan kunlar

Biroq kechagi yomgʻirdan changbosdi boʻlgan arava yoʻlda kelayotgan uch yoʻlovchining qovoqlari negadir soliq, odimlari negadir ishonchsiz edi. — N. Fozilov, Diydor

2. Yaqin oʻtgan vaqtdagi, hozirdan oldingi.

Har birining kechagi oʻtmishini eslab koʻraylik-chi: biri — boyning podachisi, biri — ruhoniyning Hammalari kulfatga duchor boʻlgan bolalar edi. — P. Tursun

Kechagi choʻlquvar Mirzajon Eminov masʼuliyatli vazifaga koʻrsatildi. — Oʻzbekiston qoʻriqlari

1. Sutkaning qorongʻi tushgandan tong otguncha boʻlgan qismi; kecha, tun.

Qish kunlari kechasi uzoq, kunduzi qisqa boʻladi. Yangi yilga oʻtar kechasi. Kechasi bilan Kor yogʻdi.

Biyron tildan soʻz oqar ravon: Ada, nega kechasi uzoq? — Yo, Mirzo

2. rvsh. Sutkaning kecha, qorongʻi qismida; tunda.

[Oʻrmonjon:] Yaxshi uxlab turdingmi, kechasi kelsam, uxlab qolgan ekansan. — A. Qahhor, Qoʻshchinor chiroqlari

Kechalari; kechasi.

ot Kechasi boʻladigan; kechasiga, tunga oid.

Toʻgʻri, dada! Kuyni ertaroq soʻyib, saranjom qilganingiz yaxshi. Kechalik ish qursin. — Oybek, Tanlangan asarlar

[Tojiboy:] Undan keyin, shuncha mashaqqatlarning ustiga, bir kechalik bir mashaqqatni ham ustingizga olasiz. — Hamza, Paranji sirlari

ot Kechasi va kunduzi, kechasi ham, kunduzi ham; hamisha, doimo; uzluksiz ravishda; tinmay.

Kecha-yu kunduz ishlamoq. Kecha-yu kunduz xayolim sizda.

Shakarjon aka kecha-yu kunduz ishlab, tandir yasar, baʼzan hammolchilik ham qilardi. — T. Obidov, Yusufjon qiziq

— Hech xavotir olmang, — dedi Davlatyor peshonasini tirishtirib, — kecha-kunduz oʻylab garang edim. — P. Tursun, Oʻqituvchi

[Gulnor:] Yolgʻizman, gʻarib-benavoman, lekin koʻnglim sizda Kecha-kunduz yodingiz bilan yashayman. — Oybek, Tanlangan asarlar