ot 1. Bir tomoni nayzasimon, ikkinchi tomoni teshik boʻlib, teshigidan ip oʻtkazib, narsa tikishga moʻljallangan ingichka metall asbob.
Mashina igna. Tepchik igna. Qaviq igna. Ignaga ip oʻtkazmoq.
2. Turli asboblarning ignasimon qismi.
Patefon ignasi. Primus ignasi.
3. tib. Tibbiy texnikada: ingichka sim yoki uchi oʻtkir naycha koʻrinishidagi sanchiluvchi yoki sanchiluvchi-kesuvchi asboblarning umumiy nomi.
1982 yil sentyabr oyining oxirlarida igna bilan davolovchi olim va shifokorlarning butunittifoq anjumani boʻlib oʻtdi. — Fan va turmush
4. Baʼzi oʻsimlik va jonivorlarning ignasimon aʼzosi, nayzasi, tikani.
Daraxt ignasi. Kirpi ignasi.
- Igna bilan quduq qazimoq Qiyin, mayda, mashaqqatli va uzoq muddatli ishni qunt, bardosh, matonat bilan bajarmoq. Ilm (olish) — igna bilan quduq qazish bilan baravar.
- Igna sanchmoq Ogʻir botadigan gap aytmoq, qattiq tegadigan gap gapirmoq.
- Igna teshigidan oʻtadigan Chaqqon, abjir. Razvedkaga igna teshigidan oʻtadigan epchil kishilar kerak. Shuhrat, — Shinelli yillar
- Igna ustida oʻtirmoq Juda betoqat, bezovta va azobda boʻlmoq. U [Odiljon] igna ustida oʻtirganday, juda betoqat edi, dam-badam tomogʻini qirib yoʻtalib, soatiga qarardi. — R. Rahmonov, Qoʻshnilar
- Ignaday narsani tuyaday qilmoq Kichik narsani katta qilib koʻrsatmoq, mubolagʻa qilmoq, orttirib, boʻrttirib yubormoq. Qoʻziboyning ignaday narsani tuyaday qilib gapirish odati bor. — H. Nazir, Koʻkorol chiroqlari
- Ignadek sanchilmoq Qattiq botmoq (gap haqida). Bekmurodga cholning deganlari goʻyo ignadek sanchildi. — I. Oʻktamov, Izza
- Ignaning uchiday Juda kichik; zigʻircha, jichcha. — He-he-he, — ellikboshi kulib, koʻzlarini artdi, — ignaning uchiday yolgʻoni yoʻq, quling boʻlay, boyvachcha. — Oybek, Tanlangan asarlarBiroq, mening gunohim ignaning uchiday boʻlsa, sizlarning aybingiz tuyaday. — Sh. Rashidov, Boʻrondan kuchli