Qidiruv

ot 1. Oʻylab topilmagan, uydirma boʻlmagan, real, mavjud narsa; haqiqiy voqea, hodisa.

Suhbatlarni jonli, qiziqarli, turmushdagi faktlarga suyanib oʻtkazish kerak. R. Fayziy. — Choʻlga bahor keldi.

Har qanday dadil fantaziyaning zamirida ham hayotiy tajriba, real faktlar, manzaralar yotadi. — U. Normatov, Talant tarbiyasi

2. Bor narsa, voqea yoki hodisa haqida maʼlumot, dalil.

— Hamma boʻlgan faktlarni yoza ber. — P. Tursun, Oʻqituvchi

Endi u dangal faktlarni roʻpara qilishga ishga qaror berdi. — P. Tursun, Oʻqituvchi.

3. Biror narsa haqida xulosa chiqarish, qatʼiy bir fikrga kelish uchun xizmat qiladigan narsa, asos (masalan, hujjat, dalil, misol). Jinoyat yuzasidan yigʻilgan faktlar yetarli edi.

Yuridik ahamiyatga ega boʻlgan faktlarni aniqlash toʻgʻrisidagi sud ishlarini koʻrib chiqish praktikasi muhokama etildi. — Gazetadan

Shundan soʻng rais Nizomiddinovga tanbeh qildi: Konkret faktlarga oʻting. — A. Qahhor, Tanlangan asarlar

ruschaюридические фактыinglizchalegal facts

sft. Aniq dalilga asoslangan; shubha tugʻdirmaydigan, haqiqiy holat ifodasi boʻlgan.

Faktik materiallar. Faktik Materiallar tahlili.

ot

Bu faktorlar haqiqiy yozuvchini hamkasabalaridan ajratib turadigan individuallikka olib keladi. — U. Normatov, Talant tarbiyasi

Uzoq yashash faktorlaridan biri toza havodir. — Saodat

ot 1. Xaridorlarga sotish uchun joʻnatilgan mollarning roʻyxati, miqdori va narxi koʻrsatilgan hujjat. Faktura bilan mol bermoq.

Qiziqib fakturani talab qildim. — Gazetadan

Dorixona olib, unda fakturasi yoʻq mollar saqlab, ularni istagan narxda sotdi. — Gazetadan

2. Tasviriy sanʼatda: asar sirtining ishlanish yoki tuzilish xususiyati.

XXasr sanʼatida fakturani murakkablashtirish boʻyicha tajribalar tarqadi. — OʻzME