ot 1. Kiyimning pastki, osilib tushib turadigan keng qismi. Koʻylakning etagi. Toʻnning etagi
U gilvatalik koʻlini etagi bariga artib, Meʼmor bilan omonlashdi. — Mirmuhsin, Meʼmor
Ota-bola choponlarining etaklarini bar urib, qazuvga joʻnab ketdilar. — J. Sharipov, Xorazm
2. koʻchma Baʼzi narsalarning etakka oʻxshash osilgan pastki qismi.
Quyosh qishloq ustidan etagini yigʻib olgan, kech kira boshlagan edi. — S. Zunnunova, Olov
Bir kun hamma yoqni rutubatli tuman chulgʻaydi, bir kun tund borlik uzra bulut etagini sudrab oʻtadi. — Gazetadan
3. Matodan paxta terish uchun maxsus tikilgan, bir tomoni boʻyinga osib, bir tomoni belga bogʻlab olinadigan buyum.
Bir etak paxta,
Kuli etak bilan chanoqqa xuddi boʻzchining mokisiday borib kelyapti. — E. Rayimov, Ajab qishloq
Zveno aʼzolari sentyabrning oʻrtalarida etak bogʻlab, terimga tushdilar. — Oʻzbekiston qoʻriqlari
4. Baʼzi narsalarning, sathning cheti, quyi tomoni, oxirgi qismi.
Dala etagi. Sahro etagi. Hovli etagi.
Shaharning har ikkala tomonida ekin maydoni boʻlib, etagi oʻrmonga borib taqalardi. — A. Ubaydullayev, Qonli izdan
Buloqdan emas, etakda hayqirib oqayotgan soydan suv olib keltirardi. — N. Qobil, Unutilgan sohillar
5. Togʻ, adir, balandliklarning pastki qismi; pastki qismidagi joy, maydon.
Yodgor ohista yurib, adir etagiga tushib ketdi. — Oʻ. Hoshimov, Qalbingga quloq sol
Tepalikning etagidan har xil ovozlar eshitildi. — Yoshlik
6. Ariq, daryoning quyi qismi; suvning quyilish joyi.
Zarafshonning etagi.
Koʻkish havo bilan chulgʻangan jilgʻa etagida bir qora paydo boʻlgan edi. — P. Tursun, Oʻqituvchi
7. Vaqt eʼtibori bilan oxirgi qism, oxir, soʻng.
Fevralning etaklarida kun isib ketdi. — S. Anorboyev, Oqsoy
Avgustning etaklariga kelib, kanalga suv ochildi. — Sh. Rashidov, Boʻrondan kuchli
- Bir etak bola Biror ayol yoki oilaning bolasi koʻpligini bildiradi. Otang tirik axir ortimda bir etak bolam bor. — S. Siyoyev, YorugʻlikUzi dalaga chiqqani bilan uyida ishga yaroqsiz bir etak bolasi bor. — S. Zunnunova, Olov
- Yengidan kirib, etagidan chiqadi Oʻta ustomon, ayyor odam haqida.
- Esing borida etagingni yop Nomaqbul ish, yoʻl va shu kabilardan vaqt-gʻanimatda qaytish, maqbuliga oʻtish kerak, degan maʼnoni bildiradi. — Yoʻq, — dedi polvon toʻqaydan chiqayotib, — esing borida etagingni yop, bu yoʻlingdan qayt! — H. Nazir, Oʻtlar tutashganda
- Etagi ochilmoq Siri ochilmoq, biror aybi, kamchiligi maʼlum boʻlib qolmoq. Koʻyinglar xotin yoʻlga chiqsa, etagi ochiladi. Kulgi boʻlasizlar. — P. Tursun, Oʻqituvchi
- Etagini tutmoq (yoki ushlamoq) 1. Ish-faoliyatda biror kimsaga mahkam suyanib, undan qolmaslik. Omon buva Yodgorov kabi in-gichka tolali paxta ustalari bor. Ana shu oqsoqollarning etagini tut. — Oʻzbekiston qoʻriqlariOtalari kasbi etagidan tutayotgan farzandlarimiz qandini ursin. — Gazetadan
- Etagini tutqizmaslik Tutqich bermaslik. Lekin uyqu etagini tutqizmay ketdi. — S. Abduqahhor, KoʻzlarQidiruv boʻlimi xodimlarining ustalik bilan ishlamayotganliklaridan foydalanib yana etak tutqizmay ketgan. — I. Qalandarov, Shoxidamas bargida
- Etagini oʻpmoq Mute boʻlmoq, aytganini qiladigan holda boʻysunmoq. Yurt beklari yashab oʻtgan, Oʻpib yovning etagin. — Sharq yulduzi
- Etak yirtish Oyogʻing kelishmagan, shumpeshona ekansan! Etak yirtish qilib qoʻygan kuyoving hajdan qaytmadi. — M. Ismoiliy, Fargʻona tong otguncha.
- Etak silkimoq Butunlay umid uzmoq, kechmoq. Etak silkib, Andijonga ketay desam, ruxsat bermaydir. — P. Qodirov, Yulduzli tunlarMana, endi saroydan butunlay etak silkidi-yu unut boʻlayozgan eski doʻkonga keldi. — S. Siyoyev, Yorugʻlik
- Etak qoqmoq Otasi telba toʻnini teskari kiyib, etak qoqib, uyidan chiqib ketgan. — Mushtum