Qidiruv

ot Muddati; payti.

ot 1. Jamiyat taraqqiyoti-da yoki tabiatda muhim voqea, hodisa yuz bergan yoki oʻziga xos xususiyati bilan ajralib turadigan maʼlum vaqt oraligʻi.

Quldorlik davri. Feodalizm davri. Kapitalizm davri. Bozor iqtisodiyotiga oʻtish davri. Tosh davri. Temir davri.

Oʻzbekiston olimlari olib borayotgan arxeologik qazishmalarning tarixiy diapazoni tosh davridan to oʻrta asr oxirigacha boʻlgan davrni oʻz ichiga oladi. — Gazetadan

Qancha davrlar oʻtsa ham, boʻyoqlari xuddi bugun surilganday yap-yangi turgan bu ajoyib binolar Boburning qalbidagi zafar zavqiga zavq qoʻshdi. — P. Qodirov, Yulduzli tunlar

Buning ustiga oʻsha davr tarixchilari Temur zabardast, xiyla chiroyli odam boʻlganini yozib qoldirganlar. — Oʻ. Hoshimov, Qalbingga quloq sol

2. Tarixda biror shaxs yoki kishilar guruhi, sulolaning nomi bilan bogʻlangan vaqt, zamon.

Temuriylar davri. Navoiy davri.

Bobur Mirzoning orzulari shulkim, Movarounnahr yana Ulugʻbek davridagi kabi birlashsa, poytaxt asliga qaytsa — P. Qodirov, Yulduzli tunlar

3. Shaxs hayotidagi maʼlum vaqt.

Yoshlik davri. Talabalik davri.

Xolidaning yoshlik davrida ayollarning koʻzi koʻr edi, tikanni koʻrmasdan bosardi. — I. Rahim, Chin muhabbat

Oʻtgan yarim asrli murabbiylik davrim men uchun ham katta hayot darsxonasi boʻldi, koʻp narsa oʻrgandim. — Gazetadan

Oftob oyimning: nega qirq kokil qilib oʻrmaysan degan soʻrashiga: Qizingiz endi qizlik davridan oʻtib, kelinlik davriga kirdi, deb kuldi. — A. Qodiriy, Oʻtgan kunlar

4. Biror bir avlod yashagan yoki yashayotgan vaqt; ayni yashab turilgan vaqt, zamon, zamona. Oʻz

davrining har yirik voqeasi Oybek ijodida yorqin aksini topdi. — Gazetadan

Davrimiz har bir sohani kompleks ravishda hal etishni taqozo etyapti. — Gazetadan

Choʻlquvarlar va qahramonlar davr bahodirlaridir. — Oʻzbekiston qoʻriqlari

Badiiylik va yangidan-yangi estetik kashfiyotlar yaratishimizni davr taqozo etmoqda. — Gazetadan

Oʻqish kerak, davr bilan birga borish kerak. — Oʻzbekiston qoʻriqlari

Davr taraqqiyoti institut olimlari va mutaxassislari oldiga yangi-yangi vazifalar qoʻymoqda. — Gazetadan

5. Biror ish-harakat, tadbir bajariladigan muayyan vaqt.

Hisobot davri.

Gʻoʻza parvarishining qizgʻin davri. Har soat gʻanimat. — R. Fayziy, Choʻlga bahor keldi

Hisobot davrida yigit-qizlarning asosiy diqqat-eʼtibori paxtachilikni rivojlantirishga, uning samaradorligini oshirishga qaratildi. — Gazetadan

6. Maʼlum hodisa, voqea, jarayonda oʻzgarish sodir boʻladigan muddat.

Oʻsimliklarning oʻsish davri.

Biz avvalo oʻsimliklarning oʻsish davrini qisqartirish va hosildorlikni oshirishga erishdik. — Fan va turmush

Hosil tugish davrida gʻoʻzani chekanka qilish muhim agrotexnik tadbirlardan biri hisoblanadi. — Gazetadan

Buqoqning ayni avj olgan davri ekan. — I. Shamsharov, Ziyolilar

7. maxe. Takrorlanuvchi jarayon yoki xossalarning har bir takrorlanishida uning boshlanishidan to oxirigacha oʻtadigan vaqt.

Bitta toʻla tebranish uchun ketgan vaqt davr deb ataladi. — Fizika kursi

Kalendar Quyosh, Yer, Oy va Yupiter sayyorasi harakatining astronomik davrlariga asoslanib tuzilgan. — Fan va turmush

Qatorning, elementlar xossasining izchillik bilan oʻzgarishini oʻz chegarasi ichiga olgan qismini Mendeleyev davr deb atadi. — Kimyo darsligi

8. geol. Geologik sistemani tashkil qiluvchi togʻ jinslarining hosil boʻlishiga ketgan vaqt.

9. Kishining omadi kelgan, ishi yurishgan chogʻlar; rohat-farogʻatli zamon.

Hozir bizga davr kelgan vaqt. Davrimizda oʻynab olaylik.

Davrimizda yuravermaysizmi, doʻstim, bir kishini qanotimiz tagiga ololmasak, nima qilib yuribmiz. — Mushtum

Qoʻlingdan ketmasin davring, davroning, Oydin koʻlga qushing chuygin, Avazjon. — Avazxon

hozir sizlarning davringiz, qoʻlingizdan kelganini bizning haqqimizdan ayamang. Bir kun yana bizning davrimiz kelar. — S. Ayniy, Qullar

Gul yuzimga, buvi, muncha termulding, Ularning davrida oʻynading-kulding. — Erali va Sherali

sft. Vaqti-vaqti bilan voqe boʻlib, takrorlanib turadigan, muntazam takrorlanadigan.

Davriy matbuot. Davriy tebranishlar (fiz.).

Siljishga proporsional boʻlib, muvozanat vaziyatiga tomon yoʻnalgan kuchlar taʼsiri ostida boʻladigan davriy tebranishlar garmonik (yoki oddiy) tebranishlar deb ataladi. — Fizika kursi

ot Vaqti-vaqti bilan sodir boʻlishlik, takrorlanishlik.

Tebranishlarning davriyligi.

Axborot tizimlari guruhiga signallarning ketma-ket uzatilishini taʼminlaydigan halqasimon fizik kanal. Bu lokal tarmoq umumiy boʻgʻindan, kirish bloklari va abonent boʻgʻinlaridan tashkil topadi. Umumiy boʻgʻin kirish bloklari bilan oʻrama juft, yassi koaksial kabel yoki optik kanal asosida yaratilayotgan sohalarga boʻlinadi. Kirish bloklari abonent boʻgʻinlari yordamida abonent tizimlari bilan ulanadi. OSIning asosiy etalon modelida halqa kanali ulanishning fizik vositasi sifatida taqdim qilinadi. Halqada signallar uzatish bir yoʻnalishda, yaʼni, bir kirish blokidan boshqasiga qarab amalga oshiriladi. Shu bilan birga, kadrni uzatgan blok kadr halqani butunlay oʻtib boʻlganidan soʻng, bu kadrni yoʻq qilishi shart. Qolgan kirish bloklari uzatilayotgan kadrni uzatishda davom etadi.inglizchacyclic ringruschaциклическое кольцо

Davriy funksiya bilan taʼriflanishi mumkin boʻlgan sirt profili (masalan, charxlash yoki frezerlash bilan olingan profil).