Qidiruv

fl. 1. Yozmoq, boʻshatmoq (koptokka, gʻaltakka oʻralgan yoki kalavalangan ip, sim va shu kabilar haqida).

Gʻaltakdagi ipni chuvamoq.

Hakimjon akamlar aktni gumdon qilibdilar. Kalavangning uchi chuvamasin, deb meni Solor restoraniga koʻchirmoqchilar. — B. Rahmonov, Xoʻjayin koʻchdi

2. Toʻqilgan narsani titib, sugʻurib buzmoq.

Boʻyrani chuvamoq.

fl. 1. Chuvamoq feʼlining oʻzlik va majhul nisbatlari.

Qoʻliida uzilgan chipor arqon, sallasi chuvalib ketgan Vafo attor roʻparasida hansirab turardi. — N. Aminov, Qahqaha

2. koʻchma Aralash-quralash boʻlmoq, qorishmoq.

Chuvalib ketgan fikrlar. Chuvalgan xayollar.

Chuvaladi oʻylarim sensiz, Xayolimga taroq urgayman. — A. Oripov

Uy-xayollar girdobida onaning fikri chuvalgani-chuvalgan. — Yoshlik

v wind, reel, entangle, knot (rope, cord), unwind, unravel, disentangle

fl. 1. ayn. Chuvalmoq 1. Chuvalangan ip. Chuvalangan boʻyra.

[Ayol] Poygakda chuvalanib yotgan ulama sochini olib, ichkari uyga kirdi. — N. Aminov, Qahqaha

2. ayn. Chuvalmoq 2.

[Nurbekning] Xayoli chuvalanmoqda edi. — Yoshlik

fl. Chuvalamoq feʼlining orttirma nisbati.

ot Yer ostida yashovchi, yomgʻirdan soʻng yer ustiga chiqib, sudralib yuradigan, umurtqasiz jonivorlar guruhiga mansub uzun qoramtir-qizgʻish qurt.

Bossang, chuvalchang ham qimirlaydi. — Maqol

Ariqdan topilgan yolgʻiz chuvalchang oʻrmalab chiqayotgan ekan. — Sh. Xolmirzayev, Bodom qishda gulladi