Поиск

fl. 1. Chiziq tortmoq, tushirmoq.

Toʻgʻri chiziq chizmoq.

Bogʻcha bolasi va maktab oʻquvchisi maktabga borish yoki qaytishda koʻchadagi daraxtlarni sindirsa, uy devorlariga chizib oʻtsa — N. Safarov, Olovli izlar

Shtab boshligʻi Yoʻldosh yasama stolga mukka tushib, nimalardir chizardi. — Shuhrat, Shinelli yillar

2. Tushirmoq, solmoq, tasvirlamoq (rasm yoki soʻz bilan).

Rasm chizmoq.

Yurtim, suratingni entikib chizsam, Sening suratingni chizsam, onajon! — X. Davron.

Kumushning bu daqiqadagi holini qalam bilan chizib koʻrsatish, albatta, mumkin emas edi. — A. Qodiriy, Oʻtgan kunlar

Bobur lirikasida maʼshuqa obrazi katta mahorat bilan chizilgan. — OʻTA

3. s. t. Tizmoq, qator qilmoq.

Qoʻshiq, boston sababin Chizib ketdi bittalab. — Gʻayratiy

[Hoji] Otabekni epaqaga olish uchun unga kulgi tuyulgan bir qancha nasihatlarni chizdi. — A. Qodiriy, Oʻtgan kunlar

4. koʻchma Koʻrsatmoq, koʻrsatib bermoq (yoʻl, reja va shu kabilarni).

Men bir vaqt senga yoʻl chizib bergan edim-ku, shundan chiqma: Paxtani birinchi qoʻldan ol. Dehqonlarga pulni qishda tarqat. Pul bilan oyogʻiga kishan ur. — Oybek, Tanlangan asarlar

rvsh. kam qoʻll. Bir oz, ozgina, andak.

Koʻylak chizi chogʻroq keldi. Chizi vaqtdan soʻng.

Kimki yoʻldan chizi toysa, Pokistonning chin oʻgʻli emas u. — Oybek, Nur qidirib

Alqissa, baʼdaz janoza faqirning qoʻlimga chizi hadya berib uzatdilar. — A. Qodiriy, Kichik asarlar

ot q.x. Yerni (tuproqni) chuqur haydaydigan, yumshatadigan, bir necha tishli ogʻir kultivator.

Chizellash uchun tirkama va osma chizellar osma yoki tirkama boronalar bilan birga ishlatiladi. — OʻzME

ot 1. Chizilgan tasvir; rasm; loyiha.

Chizgilarga uzoq tikilaman, ulardan zavqlanaman. — Saodat

2. Xomaki, mashq uchun chizilgan rasm.

Sizdan shu eskizni soʻradim. Bu faqat chizgi boʻlgani uchunmi yoki meni rostdan xursand qilgingiz keldimi, hadya qildingiz. — Yoshlik

ot s. Tizim

ot 1. Yozadigan, chizadigan yoki yuqadigan narsalar qoldirgan iz.

Yoʻgʻon chiziq. Ingichka chiziq. Boʻr bilan chizilgan chiziq. Hassaning uchi bilan chizilgan chiziq.

2. Shunday shakldagi yoʻl, iz.

Beqasam chiziqlari. Yuz chiziqlari.

3. Narsalarning chegarasini, joyla-shishini yoki borishini koʻrsatuvchi yoʻnalish.

Ekvator chizigʻi. Ufq chizigʻi.

Ham-ma daraxtlar bir chiziq ustida tekis saf tortib turadi. — Oybek, Tanlangan asarlar

4. mat. Sirtning ikki qoʻshni sohasidagi umumiy qism; uzluksiz qator nuqtalar majmui.

Gorizontal chiziq. Toʻgʻri chiziq. Egri chiziq. Siniq chiziq.

Toʻgʻri burchakli koordinatalar tizimida chiziq tenglamalarning turiga qarab ajrashdi. — OʻzME