Qidiruv

ot 1. Yuz, bet, aft-angor; siymo.

Ular xuddi egizaklardek, chehralari bir-biriga gʻoyat oʻxshar, gavdalari qariyb farqsiz, koʻrinishda yuvosh odamlar edi. — Oybek, Quyosh qoraymas

Shunda uning xayol bogʻida yana Adolatning chehrasi koʻrindi. — I. Rahim, Chin muhabbat

2. koʻchma Kishi kayfiyati, ruhiy holati yoki xulq-atvorining yuzdagi aksi.

Uning chehrasi buzuq. Chehrasi ochiq odam. Chehrasini ochmoq.

Chehra degan koʻngilning oynasidir. — Hamza.

Qori uni goh “sizlab“, goh senlab, yaxshi muomalada boʻlgani uchun, ochiq chehra bilan gaplasha ketdi. — P. Tursun, Oʻqituvchi

Chol soqolini qirib, yangi kombinezon kiyib olgan. Uning chehrasi ochiq, nimadandir xursand. — I. Rahim, Chin muhabbat

Лицо — зеркало души.

[Oyxon:] Meni bilmas dersan. Chehra degan koʻngilning oynasidir. [Айхон:] Думаешь, я не догадываюсь? Ведь лицо — зеркало души. — Ҳ. Ҳакимзода, Майсаранинг иши.

Tarqalganligi va mashhurligi darajasi boʻyicha ikkinchi biometrik texnologiya. Bu identifikatorlar bilan chehralarning fotosuratlari va videokatorlaridan olinadigan tasvirlarning ikki oʻlchamli tanish texnologiyalari ishlaydi.

sft. Xunuk yuzli, basharali; koʻrimsiz, badbashara.

Qovogʻi soliq, xoʻmraygan, badchehra Maʼmur sigareta chekib oʻtiribdi. — Oybek, Nur qidirib

ot 1. Gul yuzli, chiroyli, goʻzal.

Qalam qoshlar bejirim, sokit, Gulchehrangda sipoyi gʻurur. — Uygʻun

2. Gulchehra (xotin-qizlar ismi).

sft. Jamoli pariga oʻxshash, gʻoyat goʻzal; parivash, pariroʻ, nozanin.

Parichehra qiz.

Sizlardek parichehralar shunday yomon tikanlarning panjasiga tushmasa, bizga bunday bazmlarni goʻrda nasib qilarmidi? — Hamza, Paranji sirlari

Qiz ruhida tashvish soyasi, Oʻylanadi ul parichehra, Balki, sherdir bu qiz doyasi? — M. Qoʻshmoqov, Ali Qambar