По запросу «buzilmas» — результатов: 65: с: Узбекский
sft. Sira ham buzilmaydigan, mustahkam.
Oʻzbekiston xalqlarining birdamligi, buzilmas doʻstligi qudratli kuchdir.
fl. 1. Parchalab yoki qoʻporib, agʻdarib yoʻq qilmoq; ishdan chiqarmoq, yaroqsiz holga keltirmoq; vayron qilmoq, yemirmoq.
Devorni buzmoq. Uyni buzmoq. Oʻyinchoqni buzmoq. Uy buzganning uyi buzilar. — Maqol
Otning yomoni oxur buzar. — Maqol
ilonning oʻrdasini buzganingiz chakki boʻpti-da, oʻgʻlim. — M. Mansurov, Yombi
[Dadavoy Xadichaga:] Soat meniki. Buzadigan ham oʻzim, tuzatadigan ham oʻzim. — Uygʻun, Navbahor
Jaynoq, qulfni buzma, yaxshilik koʻrmaysan. — N. Safarov, Sharq tongi
2. Oʻzgartirib, boshqa maqsadda foydalanish uchun moslamoq.
Bedani buzib, paxta ekmoq. Paltoni buzib, kostyum qilmoq.
Mana, kanal bitdi, mana bu toʻqaylarni buzib, yangi yer ochayotibmiz. — A. Qahhor, Qoʻshchinor chiroqlari
Uyda bir eski gilamcha bor edi, uni buzib, yana bir xurjun qilib olar edim. Mirtemir.
3. Insonning biron-bir ruhiy holatiga, osoyishtaligiga ziyon keltirmoq, zarba bermoq.
Ikromjon xotinining quvonchini buzgisi kelmadi. — S. Ahmad, Ufq
Eski turmush quzgʻunlari, bir yangi turmush qurgan oilaning turmushini buzmoq uchun qanday hiylalar qilgansiz. — Hamza, Tuhmatchilar jazosi
4. Jamoaviy qoidalarga, turmush tarziga xilof ish qilmoq, unga rioya (amal) qilmaslik.
Qonunni buzmoq. Intizomni buzmoq.
Sen, rais, umumiy yigʻilish qarorini buzma, oʻzboshimchalik qilma, ha, yomon oqibatlarga olib keladi. — Sh. Rashidov, Boʻrondan kuchli
Uz ahdingni buzib, inkor aylama. — Habibiy, Devon
5. Zararli taʼsir koʻrsatib, ishini, faoliyatini yomonlashtirmoq.
Yogʻli ovqat meʼdani buzadi.
6. Mavjud vaziyatni, holatni oʻzgartirmoq, unga xalal bermoq.
Tinchlikni buzmoq. Suhbatni buzmoq.
Bu jimlikni oxiri Jannat buzdi. — S. Ahmad, Ufq
Begʻam, betashvish doʻstlar shirin uyquda edilar. Elmurod ularning uyqusini buzmaslik uchun asta karavoti yoniga bordi. — P. Tursun, Oʻqituvchi
7. Haqiqatdagidan, aslidagidan boshqacha qilib yubormoq.
Haqiqatni buzib koʻrsatmoq. Soʻzni buzib yozmoq. Fikrni buzib talqin qilmoq.
— Mezbon qani, Teshabay? — dedi u, rus tilini nemislarga xos bir talaffuz bilan buzib. — M. Ismoiliy, Fargʻona tong otguncha
8. Uddasidan chiqa olmay, yomon yoki yaroqsiz qilib qoʻymoq.
Oshni buzib qoʻyibsiz. Suratni buzib qoʻyibsiz.
9. Inson axloqi, feʼl-atvorini yomon tomonga oʻzgartirmoq.
Kishining zari kishini buzar, zarni koʻrgan — zanjirni uzar. — Maqol
Hali erimniyam buzyapman deng? — Hamza, Tuhmatchilar jazosi
10. Oʻzaro munosabatlarni yomonlashtirmoq, chatoqlashtirmoq.
Yaxshi oʻgʻil yurt tuzar, yomon oʻgʻil yurt buzar. — Maqol
Jahl ustida urishib qolgan boʻlsangiz, ehtimol, yarashib qolarsiz. Oilangizni buzmang! — Mirmuhsin, Umid
Kimki odamlar oʻrtasini buzib yuruvchi boʻlsa, u ham moʻmin emasdir. — Fan va turmush
11. Bokiralikdan judo qilmoq, nomusiga tegmoq.
Ahmoq yigit nodonlik qilib, qizni buzib qoʻyibdi.
12. Biror harakatni, marosimni toʻxtatmoq.
Sen buzding Nodirshohning toʻyini — Yusuf va Ahmad
13. Foydalana boshlamoq (yaxlit yoki yangi narsalardan).
Pulni buzmoq. Bochkadagi yogʻni buzmoq.
1. Maʼlum vaqt yoki maʼlum muddati davomida buyumning ishga yaroqlilik holatini uzluksiz saqlash xususiyati.
2. buyumning buzilmaslik KOʻRSATKICHIga qar.
n kid
ot Sigirning bolasi.
Yaxshi buzoq ikki onani emadi. — Maqol
Sigirning sutida buzoqning haqi bor. — Maqol
Podadan adashgan buzoqqa oʻxshab, duch kelgan eshikka boshingni tiqaverasanmi? — Oybek, Tanlangan asarlar
Tong otganda, apil-tapil sigirni sogʻishga borsa, sigiri ham, buzoq ham yoʻq. — Mushtum
ustuvor esk. kt. Mahkam, mustahkam, buzilmas. Yana qonlar toʻkib ustuvor qildik Gʻ, Gʻulom Ustuvor yoʻnalish Birinchi darajali, ustun yoʻnalish. Ustuvor turmoq 1. Qimirla
maslahatli Maslahat, kengash bilan qilingan, maslahatlashib, kengash bilan bitadigan. Maslahatli toʻy buzilmas. Maqol Maslahatli osh achimas. Maqol Maslahatli toʻn tor ke
rejali Maʼlum bir reja asosida qurilgan; tartibli. Rejali ish. Rejali ish buzilmas. Maqol Har birining [oʻt oʻchiruvchining] harakati chaqqon va rejali. M. Xayrullayev, T
metin ot Toshloq va qattiq yerlarni qazish, tosh kesish uchun ishlatiladigan uchli choʻkich yoki tesha. Farhodlar ter toʻkar tun-u kun bunda, Metinlar zarbiga chiday olma
daxlsiz Maʼlum bir narsaga bevosita aloqasi, bogʻliqligi boʻlmagan, daxli yoʻq, taalluqli emas. Bu senga daxlsiz gaplar. Qurbon oʻziga daxlsiz narsalar haqida xayol suray
yetakla Qoʻlidan ushlab, koʻmaklashib olib yurmoq. Vali aka oʻgʻlini yetaklab, tashqariga olib chiqib ketdi. M. Ismoiliy, Fargʻona tong otguncha — Qoʻying, buvi, xafa boʻ
Metallsozlar oʻchogʻining ichida oʻt buzilmasligi uchun oʻrtasiga oʻrnatilgan choʻyan boʻlak
