Поиск

koʻm. (chiqish kelishigi bilan) Beri; boshlab.

Yangi yildan buyon. Kechadan buyon. Bundan buyon. Koʻpdan buyon.

Oʻzbek xalqi qadim-qadimlardan buyon hashar usulida juda koʻp inshootlar barpo qilgan. — S. Ahmad, Ufq

Necha yillardan buyon xayolini band etgan fikr uni amaliy ishga boshladi. — S. Karomatov, Oltin qum

Lutfinisoni dafn qilganlaridan buyon u, bir daqiqa boʻlsin, uni xayolidan nari ketkazmadi. — S. Ahmad, Ufq

adv here

узбекскийerkak(nar) tuya, yoʻl boshlovchi tuyaрусскийверблюд-производительанглийскийcamel

Tetir buyrasï teg kör öč sürsä kek Tuya erkagi kabi uzoq kek saqlovchi boʻlsa, koʻr

Tetir buyrasï teg kör öč sürsä kek Он должен приходить в ярость, как верблюд-самец

Tetir buyrasï teg kör öč sürsä kek He must be furious, like a male camel

sft. 1. Hajm-oʻlchovi odatdagidan ortiq, katta; ulkan.

Buyuk togʻ. Buyuk davlat. Buyuk bino.

Zargarov atrofidagi buyuk sahroni, shu sahrodek cheksiz sukunatni sezar, oʻzining behalovat ruhi shu boʻshliqlarni bus-butun toʻldirib turgandek tuyulardi. — A. Muxtor, Asarlar

Fargʻona kanali oʻz koʻlami bilan buyuk atalmish oʻsha kanallardan oʻn baravar buyukdir. — S. Ahmad, Ufq

Falakka boʻy choʻzgan allaqanday buyuk qasr roʻparadan namoyon boʻlib, Meʼmorning xayolini olib qochdi. — Mirmuhsin, Meʼmor

Ahmad oʻzini buyuk koinot qarshisida zarraning milliarddan bir zarrachasidek his etdi. — F. Musajonov, Himmat

2. Ulugʻvor, yuksak, tengsiz, mislsiz.

Buyuk, yetuk odamlar nihoyatda kamtar, kam-suxan, dilbar-u mehribon boʻlishini bu dono qiz yaxshi bilardi. — Mirmuhsin, Meʼmor

Buyuk voqealar oldida vaqt oʻz hukmini oʻtkaza olmaydi. — Saodat

Insoniyat oʻz kamoloti jarayonida qoʻlga kiritgan buyuk kashfiyoti — tildir. — Gʻ. Salomov, Tarjima nazariyasi

Bahor boʻyi, yoz boʻyi zarrama-zarra yiqqan bunyodini buyuk saxovat bilan dehqon etagiga toʻkayotgan mana shu oltin kuzda uning yuragi qafasdan chiqqan qush yuragiday yayray boshladi. — M. Ismoiliy, Fargʻona tong otguncha

3. Aziz, moʻtabar, muqaddas.

Dunyoda hech soʻz bormi Ona soʻzidan buyuk. — H. Olimjon

Biz birinchi navbatda avlodlarning buyuk xotirasi oldida qarzdormiz. — Gazetadan

4. Buyuk (erkaklar ismi).

ot 1. Tirikchilik va roʻzgʻorda ishlatiladigan, kerak boʻladigan har bir narsa.

Roʻzgʻor buyumlari. Zargarlik buyumlari. Chinni buyumlar. Zeb-ziynat buyumlari. Shaxsiy buyumlar.

Nuri kiyinishni, bezakni sevar edi. Zirak, bilaguzuk, zarkokil, qoʻltiqtumor, tillaqosh, zebigardon kabi buyumlardan quti-quti yiqqan edi. — Oybek, Tanlangan asarlar

— Grammofon degan buyumni koʻrganmisan yo eshitganmisan? — kulib soʻradi Yor-mat. — Oybek, Tanlangan asarlar

Endi esa oʻsha tarafga borgisi kelib, birpas boʻlsa ham tugʻilib oʻsgan uyini, onasining qoʻli teggan buyumlarni koʻrgisi keldi. — S. Ahmad, Ufq

2. Ishlab chiqarilgan narsa, mahsulot.

Maxsimning buyumi ogʻir ekan, savil. — S. Ahmad, Hukm

ot Qattiq sovuq, ayoz.

Kechga yaqin Chirchiq tomondan izgʻirin turdi, boʻgʻotlarni yalab, qorini uchirdi. Buyuq kuchaydi. — H. Gʻulom, Mashʼal

Ochiq eshikdan kirgan buyuqdanmi yo yuraklari chiqqanidan, bolalar dir-dir titrashar edi. — M. Ismoiliy, Fargʻona tong otguncha