Проект Hayot Foundation
О проекте
Ру
Ру

Поиск

По запросу «borlik» — результатов: 129: с: Узбекский

Фильтр
Тип словаря
Толковый Переводной Терминологический Фразеологический
С языка
Узбекский Русский Английский Французский Турецкий
На язык
Русский Английский Каракалпакский Немецкий Французский Арабский Турецкий

Словарные статьи

124
borlik

ot 1. Bor boʻlishlik, mavjudlik.

Pul borlikka bor-u, oz-da.

Bir parcha yerlaring borligini eshitar edim, qoʻllaringdami? — Oybek, Tanlangan asarlar

Otabek Zaynabning shu qadar yurak dardi borligini birinchi marta bilar edi. — A. Qodiriy, Oʻtgan kunlar

Askarlar devorni urib, orqasida havol yer borligini bildi. — J. Sharipov, Xorazm

Tavba, xoʻp alomat odam-da. Bu qoʻtir dunyoda shunaqa odamoxunlar borligiga hech aqlim yetmaydi. Bor ekan-da! — M. Ismoiliy, Fargʻona tong otguncha

2. Boylik; toʻqlik.

Borlikdan maqtanma. — Maqol

Полная статья →
bora

Martakarra

Yaralangan Abdulla xumor koʻzlarini oʻz ona diyorining husn-u jamoliga soʻnggi bora tashlaydi. — B. Boyqobilov, Alangali yuraklar

Supa ustidagi soʻri har zamon toʻrt tomonga chayqalib tevarakka husayni gʻujumlarini bir-ikki bora uzib tashladi. — A. Qodiriy, Mehrobdan chayon

Oʻrin-payt kelishigi qoʻshimchasi yoki 3-shaxs egalik va oʻrin-payt kelishigi qoʻshimchasi bilan kelib, koʻmakchi vazifasida qoʻllanadi.

Xuddi shu borada oʻrtoq Nurmuhamedov bilan janjallashib oʻtirgan edik. — Mushtum

— Koʻp ulugʻ ish boʻladi, bu borada qoʻldan kelgan yordamni darigʻ tut-maymiz, — dedi mulla Ismoil. Mushtum. U

dehqon koʻngliga maʼqul tushgan yangi nav borasida soʻzlardi. — S. Mahkamov, Dehqon quvonchi

Aji6amma, Tursunboy tashabbuskor-lik va tasviriy sanʼat borasida Asadga bas kelolmaydi. — Mushtum

Полная статья →
boʻri

ot 1. Sutemizuvchilarning itsimonlar oilasiga mansub yirtqich hayvon; qashqir.

Ayrilganni ayiq yer, boʻlinganni boʻri yer. — Maqol

Boʻridan qoʻrqqan toʻqayga kirmas. — Maqol

Suvonjon qoʻraga hujum qilgan bir och boʻrini otib olibdi. — S. Anorboyev, Oqsoy

Bu choʻlda biram boʻri koʻp ekanki, kechasi bilan qoʻrqib chiqdim. — S. Ahmad, Ufq

2. Koʻchma Yovuz, qonxoʻr, shafqatsiz odam haqida.

Yuragim san eding, Gulnor, koʻzim ilgari ochilgan boʻlsa edi, man oʻz yuragimni boʻrilarga yedirarmidim? Tongla mahsharda qay yuz bilan sanga boqaman? — Oybek, Tanlangan asarlar

Ahmad Husayn oqarib ketdi-yu, lekin indamadi, chunki boʻrilar orasida ekanini yaxshi bilardi. — Oybek, Nur qidirib

Badia xona burchagiga tisarildi. Roʻparasida turgan dahshatli boʻridan koʻz uzmasdi. — Mirmuhsin, Meʼmor

3. Boʻri (erkaklar ismi).

  • Boʻri boqish (yoki qarash) qilmoq Qoʻrqinchli, dahshatli qaramoq, yeb qoʻygudek qaramoq. Bir qoʻlida tesha, Sanobarga boʻri qarash qilib yaqinlashdi. — K. Yashin, Hamza
  • Boʻri yeydimi Nimadan qoʻrqasan degan maʼnoda ishlatiladigan ibora. [Hayot:] — Voyey, sizam bir qiziqsizki, buvi, nima, meni boʻri yeb ketarmidi? — dedi-yu, hovli etagiga yurib ketdi. — M. Ismoiliy, Fargʻona tong otgunchaLatifjon hiringlab: — (Diplomni) boʻri yermidi, uyning toʻriga ekib qoʻyganman, — dedi. — Mushtum
  • Boʻrimisiz, tulkimisiz? Quruq qaytdingizmi yoki undirib? degan maʼnoda ishlatiladigan ibora. [Hasan:] Quruq kelishga uyaldim-da, taqsir! [Qodirqul:/ Qani, boʻrimisiz, tulki? — Hamza, Boy ila xizmatchi
  • Boʻrining ogʻzi yesa ham qon, yemasa ham qon Yomonligi bilan tanilgan, yomonligini qoʻysa ham, qoʻymasa ham — yomon degan maʼnoda ishlatiladigan ibora. Boʻrining yesa ham, yemasa ham ogʻzi qon. — Shukrullo, Saylanma
  • Boʻri tugʻdi (yoki bolaladi) Kun chiqib turib, yomgʻir yogʻayotganda aytiladigan ibora.
  • Boʻri qulogʻi ovda Nomaʼlum kishilar yoki aygʻoq-agʻyorlar gap poylab yurgani haqida oʻz kishi-sini ogohlantirish uchun ishlatiladigan ibora.
  • Qoʻyni boʻriga topshirmoq Biror narsani yoki ishni eng koʻp zarar yetkazadigan yoki suiisteʼmol qiladigan, oqibatsiz kishiga topshirib qoʻymoq. Murodova bilmaydi. Shuning uchun keyingi arizani Davronovga yuboribdi. — Qoʻyni boʻriga topshiribdi-da. — I. Rahim, Ixlos
Полная статья →
boʻrk

ot esk. Oshlangan qorakoʻl teridan silindr shaklida tikilgan bosh kiyim, telpak.

Bosh omon boʻlsa, boʻrk topiladi. — Maqol

Boshsiz boʻrk boʻlmas, toysiz — turk. — Maqol

Shu payt shiypon ichidan boshiga boʻrk kiygan Botir chiqdi. — P. Qodirov, Yulduzli tunlar

Qilich zarbidan Xonzoda begimning boshidagi boʻrki uchib ketdi-yu, uzun sochlari yoyilib, yelkasiga tushdi. — P. Qodirov, Yulduzli tunlar

  • Bosh yorilsa, boʻrk ostida (yoki ichida) Oilaviy yoki ichki janjal, nizolarni tashqariga chiqarmaslik kerakligi haqida aytiladigan ibora. Bosh yorilsa, boʻrk ichida, deydilar, — boʻlar-boʻlmasga kattalarni ishdan qoʻyib gʻirillayverish xunuk narsa. — S. Ahmad, HukmEhtimol, boshqalarning xotinlari ham shunaqadir, u qayoqdan bilsin: bosh yorigʻi boʻrk ichida, qoʻl sinigʻi yeng ichida. — Shuhrat, Jannat qidirganlar
  • Boʻrk ol desa, bosh (yoki kalla) olmoq Buyurilgandan ortiq jazolamoq, haddan oshirmoq. Boʻrk ol desa, bosh olib keladigan dovyurak yigit eding-ku! Nima boʻldi? — Uygʻun, AsarlarSanamay sakkiz deydigan, boʻrk ol desa, kalla oladigan baʼzi tergovchilar qoʻlini tizzasiga urib, shoshib qoldilar. — Gazetadan
Полная статья →
bort

ot 1. Kema, kosmik kema, yuk mashinasi, samolyot va shu kabilarning yoni, yon devori.

Mashina shitob bilan tepalikka tirmashib, ogʻir yukdan bortlari betinim gʻichirlab bormoqda. Oʻ. — Usmonov, Sirli sohil

Toʻrabek bortga suyanib oʻtirgan yeridan alam bilan toʻlgʻanib qoʻydi. — M. Mansurov, Yombi

Bortiga goʻsht deb yozilgan mashina oʻqday uchib keldi-da, omborxona oldida toʻxtadi. — Gazetadan

2. Kelishik affiksi bilan kelgan shakllarda samolyot, kema va shu kabilarning ichi maʼnosini bildiradi.

Vostok kosmik kemasi bortidagi odam bilan kosmosga koʻtarildi. — Kelajakka parvoz

Kema bortiga oʻrnatilgan hamma asboblar va sistemalar aniq va puxta ishlamoqda. — Gazetadan

Полная статья →

Показать все · 124 →

В определениях

5