Поиск

ot shv. Suvda va quruqlikda yashovchi dumsiz jonivorlar oilasi vakili; qurbaqa.

Baqa botqogʻini qoʻmsar, baliq — koʻlini. — Maqol

Baqani bossangiz ham vaq etadi-yu, axir men insonman-ku! — Gazetadan

ot ayn. Sigir yili

Undan yoshini soʻraganlarida, u — mush, baqar, palang, xargoʻsh, nahang deya, eskicha yil agʻdarib javob beradi. — Gʻ. Rasul, Adolat

— Afandi, buzoqni arabcha nima deydi? — Sigir boʻlguncha sabr qiladi, undan keyin baqar deydi. — Latifalar

ot shv. Pocha; toʻpiq; boldir suyagi.

Nurali borib, otning baqayidan ushlab, qulogʻini tutsa, bulut koʻchgandek boʻlib yerdan dushman zarbi kelayotibdi. — Nurali

Shu bir baqay Hasaningga qoʻshib, teringga somon tiqdiraman! — S. Siyoyev, Yorugʻlik

ot Qurʼoni karimdagi ikkinchi, 286 oyatdan iborat eng katta suraning nomi.

Qurʼonning Baqara surasidagi oyatdagina roʻzaning farz va hukmlarini bayon qiladilar. — Gazetadan

sft. 1. Hayvonlarning tuyoq bilan ilik oʻrtasidagi boʻgʻini.

Sayislarning otga solgan daviri Tushadi tarlonning baqalogʻiga. — Oysuluv

2. Shu boʻgʻin va unga yopishgan goʻshtdan iborat ovqat.

Soʻngra tugunini ochdi. Rosa ishtaha bilan qoʻyning baqalogʻini nonga qoʻshib yeya ketdi. — Gazetadan

sft. 1. Bir-biriga yuzlangan holatda, bir-biriga qaragan holda; bir-biriga yaqin, yuzma-yuz, roʻbaroʻ.

Kamol Jalolov montajchi bilan baqamti, doʻstona suhbatlashdi. — Gazetadan

— Mana endi baqamti gaplashaylik,— dedi Jahongirov. — I. Rahim, Zangori kema kapitani

Endi men Husan aka bilan baqamti oʻtirib gaplashishni istardim. — Sh. Xolmirzayev, Ogʻir tosh koʻchsa

2. Baqamti qilmoq Yuzma-yuz qilmoq, yuzlashtirmoq, uchrashtirmoq.

Oralaridan gap qochib, oʻrtalaridan qora mushuk oʻtgan paytlarda Rahimov koʻpincha ikkovini baqamti qilib, ahil boʻlinglar, deb nasihat qilardi. — S. Ahmad, Jimjitlik