Қидирув

сфт. Ерга эга, ери бор.

[Ёʻлчи] Мироблар билан оғиз-бурун ўпишган катта ерлилар, бой деҳқонлар зўравонлигидан, экини қуриб қақраган камбағал деҳқонларга дўқ қилиб, ғалва кўтаришидан нафратланар эди. — Ойбек, Танланган асарлар

Ўртоқ Очилди Тик-тепанинг ўзидан чиққан, кам ерли камбағал деҳқон боласи. — А. Қодирий, Обид кетмон

от 1. Шу ернинг ўзида туғилиб ўсган, туб жойлик, маҳаллий.

Бундан уч йил бурун, Андижон зилзиласидан кейин, Симхоев заводидаги ерлик ишчилар иш ташладилар. — М. Исмоилий, Фарғона тонг отгунча

Олга ҳам, эри Иван Павловичга ўхшаб, одамшаванда чиқди. Ерлик қўшни хотинлар билан иноқлашиб кетди. — Ж. Шарипов, Хоразм

2. Ерда яшовчи, Ерга мансуб.

Кемамиз Ер атрофини айланиб туради. Унинг шундай мосламалари борки, мавжудлигини ерликлар сезишмайди. — О. Мўминов, Хиёбондаги уч учрашув

Ерликларнинг бобокалонлари ҳам Зангининг тўртинчи сайёрасиданлигига имоним комил. — О. Мўминов, Хиёбондаги уч учрашув

3. Кўрсатиш, сўроқ олмошлари ва бошқалар баъзи сўзлар билан қўлланиб, шу сўзлар қайд этган жойга мансубликни билдиради.

Бу ерлик. Ўша ерлик.

Устод Қавом шу ерлик, бизнинг аслимиз Бухородан — Мирмуҳсин, Меъмор

сфт. Мулк сифатида ер-сувга эга бўлган, ер-суви бор.

Икки гапнинг бирида (Ёрмат қизини] хотин устига бўлса ҳам бойга, ерли-сувлига бераман, дейди. — Ойбек, Танланган асарлар

— Ҳар бир камбағал, эҳтимол, ерли-сувли бўлади, — дейди Алим бува. — М. Исмоилий, Фарғона тонг отгунча

1. имеющий землю, местный

2. местный, коренной

фл. тар. Идора, муассаса ва шу кабиларда ишловчилар сафида маҳаллий аҳоли вакиллари сонини кўпайтирмоқ.

Ўзларинг ерлилаштир дейсизлар-да, яна чек қўясизлар. — А. Қаҳҳор, Сароб

фл. Ерлилаштирмоқ феълининг мажҳул нисбати.