Qidiruv

ot 1. Biror ish yoki mehnat bilan shugʻullanish; biror ishni bajarish; ish, mehnat.

Bir kun eshon meni chaqirib: — Oʻgʻlim, — dedi, — mana endi bizga ancha xizmating singdi. — Gʻ. Gʻulom, Shum bola

Yurt, hukumat aslo bu xizmatlaringni unutmaydi. — S. Ahmad, Ufq

— Agar mening bu xizmatim xon janobining marhamatiga loyiq koʻrilar ekan, — dedi hoji, — menga eng manzur boʻlgan mukofot oʻgʻlimning ozod qili-nishidir. — A. Qodiriy, Oʻtgan kunlar

2. Birovga yordam koʻrsatish; xolisona qilingan ish; yordam; yaxshilik.

Bu xizmatingni sira unutmayman. Elga xizmat — oliy himmat. — Maqol

Elga xizmat qilib, bolam, duo ol. — Malikayi ayyor

To oʻlguncha, ota, qilay xizmating, Qilgan xizmatlarim — sening izzating. — Malikayi ayyor

3. Biror tashkilot, muassasa yoki korxonada bajariladigan ish, vazifa; lavozim; shunday joyda ishlash.

Birinchi noyabrda boʻlsa kerak, Mushtum xizmatiga kirishganman. — A. Qodiriy, Kichik asarlar

Siz, ogʻaynilar, ilgari xon yonida qandoq xizmatda boʻlgan boʻlsalaringiz, endi ham oʻsha vazifada qolaberasizlar. — A. Qodiriy, Oʻtgan kunlar

U [Ahror xalfa Fuzayilxonov] shu yerdagi xizmatga kirib, keyinchalik sekin-asta birinchi sinf oʻqituvchisi boʻlib oldi. — Mushtum

4. Ish, topshiriq, vazifa.

[Homid:] Kishining xizmatidan qochgan odam emasman. — A. Qodiriy, Oʻtgan kunlar

Sizga ogʻir kelmasa, bir xizmat topshirmoqchiman, usta! A. — Qodiriy, Oʻtgan kunlar

5. Soʻroq ohangi bilan aytilib, Menda nima ishingiz bor? degan maʼnoni bildiradi.

— Xoʻsh, oʻrtoq Doʻsmatov, xizmat? — dedi Davlatyor. — P. Tursun, Oʻqituvchi

— Xizmat? — dedi u [Akram] yumshoq kresloning suyanchigʻiga oʻzini tashlab, Nigoraga tikildi. — S. Anorboyev, Oqsoy

6. s. t. Armiya safida boʻlish, harbiy majburiyatni oʻtash.

Xizmatga chaqirilmoq.

[Ota-onalar] Bundan bir yoki ikki yil ilgari askarlikka uzatgan va xizmatini tugatish oldida urushga toʻgʻri kelib, hozir jang qilayotgan bolalarni esladilar. — I. Rahim, Chin muhabbat

7. Armiya tarkibidagi ayrim ixtisoslashgan sohalar yoki tarmoqlar.

Aloqa xizmati. Tibbiyot xizmati. Razvedka xizmati.

ot 1. Biror idora yoki kor-xonada yozish-chizish bilan shugʻullanuvchi kishi; xodim.

Uning ijtimoiy kelib chiqishi — xizmatchi. Idora xizmatchilarining bir majlisida Sulaymonovni rosa sulaytirishdi. — A. Qahhor, Ikki yorti — bir butun

Birlashma xizmatchilari tarkibiga stomatologlarning kiritilishi tasodifiy chora emas. — Gazetadan

2. Umuman, mehnatkash kishi; ishchi.

Ular temir yoʻl xizmatchilari edi. — Oydin, Suhbati jonon

Qilinadigan ishning bir xilligi xizmatchini toliqtiradi, aksar, anchagina kuch sarf etishni talab etadi. — Fan va turmush

3. ayn. Xizmatkor.

Mulladoʻst — 54 yoshda, shoʻx tabiat koʻngilchan bir kishi. Qozining xizmatchi ham mulozimi. — Hamza, Maysaraning ishi

ot 1. Birovlarning shaxsiy xizmatini, uy ishini qiluvchi kishi.

Bu asar bir pardalik fojia boʻlib, unda bir zolim boyning yigirma yillik moʻysafid bir xizmatkoriga soʻng vaqtda qilgan jabr va zulmi tasvir qilingandir. — Hamza, Tanlangan asarlar

2. Xalq yoki jamiyat manfaati uchun xizmat qiluvchi.

— Yoʻlingga koʻz tikar, tikar albatta. Ulgʻaysang, oʻqib, boʻl elga xizmatkor! — M. Alaviya

ot kom qoʻll. Xizmat uchun toʻlanadigan haq.

— Bizning vazifamiz, mana shu shartlarga binoan xizmatona va shirinkoma olishdir, — dedi [noib]. — S. Ayniy, Sudxoʻrning oʻlimi

[Eshon qozi] Mazkur haqqi xizmatonani astagina yonlariga soldilar. A. — Qodiriy, Kichik asarlar

ot Birga xizmat qiladigan kishilar (bir-biriga nisbatan); hamkasb.

Koʻchada xizmatdosh doʻstlarni uchratib qoldim.

Ishdan keyin goho oʻziga oʻxshagan xizmatdoshlari bilan koʻchaning narigi betidagi qahvaxonaga oʻtib, andak shakarguftorlik qiladi. — E. Aʼzamov, Javob

ot 1. ayn. Xizmatkor.

2. Ishdan qochmaydigan, ishni yaxshi bajaradigan; ishchan, mehnatkash.

Xizmatkash yigit.