Қидирув

от 1. Диний тушунчаларни халққа, қавмга тушунтиришга, тарғиб қилишга қаратилган нутқ; яхшилик ва эзгуликка чақирувчи даъват.

Орадан уч кун ўтиб, намоз жумадан кейин, Абдуваққос эшон ваъз айтибди, ғазотга фатво берибди. — А. Қаҳҳор, Қўшчинор чироқлари

2. Маъруза; лексия; нутқ.

Ўз ваъзини тамомлар экан, деди: Танқид келтирар фойда. — М. Икром, Кўнгил гули

Халил ота Тўрахоновнинг баландпарвоз ваъзини жимгина ўтириб тинглади. — Ш. Рашидов, Қудратли тўлқин

3. Насиҳатомуз ёки ташвиқий нутқ; панд-насиҳат, ўгит.

Мажлисда озиқ-овқат развёрсткаси ҳақида ваъз айтади-ю, уйида шолини ўрага кўмади. — Ҳ. Ғулом, Машъал

от 1. Мева-чева, ширинлик солиб дастурхонга қўйиладиган идиш.

Бир вазада бандидан янги узилгандек тилла олмалар, иккинчи вазада ҳар биттаси кичикроқ чойнакдай келадиган анорлар. — С. Анорбоев, Оқсой

2. Гул солиб қўйиладиган ёки уйларга, жамоат биноларига зийнат учун қўйиладиган нақшдор, чиройли идиш, кўра.

[Гулнор] Безак учун у ерга, бу ерга қўйилган катта-кичик чиройли хитой вазаларини латта билан яхшилаб артди. — Ойбек, Танланган асарлар

от 1. кам қўлл. Ўлчов.

Табиатда қудрат борми, Биздан вазн олмасин — Ғ, Ғулом

2. Оғирлик; оғирлик ўлчами; салмоқ.

Юк вазни. Молнинг тирик вазни.

Эгамберди, шу буғдойнинг вазнига бараварлаб саримағиз ундан торт, айбонанг учун устига ўзимиздан бир пудун ҳам қўш! — А. Қодирий, Обид кетмон

Сафо махсум таҳорат учун қумғонни кўтарди-ю, вазни енгиллигидан бўм-бўшлигини фаҳмлади. — Ғулом, Замин юлдузлари

3. кўчма Кам қўлл. Шахснинг мавқейи, мавқе даражаси.

Салимхон жон-дили билан Саидийни бегонасиратмасликка, ўзи билан бир текисликка қўйишга тиришар ва ҳатто ўзини нодонликка солиб, Саидийнинг вазнини орттирар эди. — А. Қаҳҳор, Сароб

4. ад. Шеърий сатрда шеърнинг ритм оҳанги ва тузилишини белгиловчи бўғинлар сони ва жойланиши; шеър ўлчовлари.

Аруз вазни. Бармоқ вазни.

Шеърлар маълум ўлчовда ёзилади. Шеър ўлчовлари вазн деб аталади. — Адабиёт назарияси

5. мус. Мусиқа асарида унинг ритм оҳангини ва тузилишини белгиловчи ритмик бирликлар сони ва жойланиши.

Ҳали олдиндадир гўзал кунларим, Ҳали лаб тегмаган кулгулар олдда. Вазнга тушмаган қўшиқлар олдда. Ҳеч нима эмасдир бу кўрганларим. — А. Орипов, Йиллар армони

от 1. тар. 1 Ўрта асрларда Яқин ва Ўрта Шарқ давлатларида, жумладан, Ўрта Осиё хонликлари-да ҳукумат идораси ёки кенгаши (девони) бошлиғи.

Сарой вазири ноилож бош эгиб, фармони олий ҳозирлагани чиқиб кетди. — М. Осим, Карвон ёʻлларида

2. Мамлакатда муайян тармоқ фаолиятини бошқарувчи шахс.

Соғлиқни сақлаш вазири. Олий ва ўрта махсус таълим вазири.

Республика Молия вазирининг таъкидлашича, келаси йилда аҳолини ижтимоий ҳимоялаш харажатларига 65 млрд сўм ажратилади. — Газетадан

3. кўчма Оилада, жамоада бошлиқдан кейинги мавқеда турувчи шахс.

Ахлоқ-одобда ҳам ўрнак бўла бил, Эрлар бош бўлишса, кучли оила. Рўзғорда аёллар ҳар доим вазир. Фарзандлар равнақин ўйлайди она. — Газетадан

Овулингнинг оқсоқоли мулла Фозил, Ўлтирар бек олдида икки вазир. — Оқ олма, қизил олма

от эск. Нотиқ, ваъз ўқувчи.

от айн. Ваъзчи.