от 1. Кўзланган иш, мақсад ва шу кабилар ёʻлидаги ўй-фикр, хатти-ҳаракат; безовталик, тараддуд.
Рўзғор ташвиши. Тирикчилик ташвишлари. Тўй ташвишлари.
Ҳар бир куннинг ўзига хос иши ва ташвиши бордир. — Ш. Рашидов, Бўрондан кучли
Адолат кечаси билан чанқоқ ғўзалар ташвишида ухлолмади. — И. Раҳим, Чин муҳаббат
Мана энди Ўскинбойда янги ташвиш: адирлардан ер очмоқчи. — Ўзбекистон қўриқлари
Хўрозларнинг сўнгги қичқириғидан уйғонаётган қишлоғимизнинг кун-лик ёқимли ташвишлари бошланаётган эди. — Саодат
2. Бахцизлик, жудолик ва шу кабилар туфайли юз берадиган ҳис-туйғу; ғам, қайғу.
Ташвиш тортмоқ (чекмоқ). Бошига (кўнглига) ташвиш тушди. Ўйламай қилинган иш бошга келтирар ташвиш. — Мақол
Ташвиш қиз боланинг ҳуснини оларкан, шўхлигини ҳам, овозидаги латофатини ҳам қуваркан. — С. Аҳмад, Уфқ
Сизга бир маслаҳатим: кўп куйинчак бўлаверманг, юрак касаллиги аксарият икир-чикир ташвишлардан келиб чиқади. — Ў. Ҳошимов, Нур борки, соя бор
3. Нотинчлик, азоб-қийноқ берадиган нарса-ҳодиса ва шу туфайли юзага келадиган ҳолат; кулфат, савдо.
Ёш олимнинг мусофирчиликда бошидан кечирган кулфатлари бу ташвишлар олдида ҳеч гап эмасди. — М. Осим, Жайхун устида булутлар
Шундоқ илм-у амал билан кунлари ўтиб турган Меъмор бошига тушган улкан кулфат — ўғлининг ҳибс этилиши ҳаммасини бир томонга улоқтириб ташлади. — Мирмуҳсин, Меъмор
- Ташвиш қилмоқ Унчалик ташвиш қиладиган гап ёʻқ. Уч вагон молимизни брак қилишибди. — Муштум
- Ташвишга солмоқ (ёки қўймоқ, туширмоқ) 1. Тинчини бузмоқ, безовта қилмоқ, уринтириб қўймоқ. — Ташвишга солдикми? — деди бика, қоракўл попоғини бошидан олиб. — Ж. Шарипов, ХоразмМарт ойигача мўтадил бўлиб турган ҳаво бирданига айниди. Табиатнинг бу нотантилиги пахтакорларни ташвишга солиб қўйди. — Н. Сафаров, Хадича АҳророваҚобил карвоннинг қамоққа олиниши Абдураҳмонбой хонадонини қаттиқ ташвишга солиб қўйди. — Ҳ. Ғулом, Машъал
- Ташвишга тушмоқ 1. Тинчи, ороми бузилиб безовта бўлмоқ, уринмоқ. Куз ҳавоси паст келди: колхозчилар ташвишга тушиб қолишди;[Ҳасанали] Бу ўртада қандай ташвишларга тушмади, сўрасангиз. — А. Қодирий, Ўтган кунлар
- Ташвишини қилмоқ Бирор нарса тараддудида, ҳаракатида бўлмоқ, ўйламоқ. Тўй ташвишини қилмоқ. Рўзғор ташвишини қилмоқ.