от 1. Иш-ҳаракат, тадбир-чора ва шу кабиларнинг амалга ошувида риоя қилинадиган маълум изчиллик, режа, қонун-қоида ва шу қонун-қоидаларга жавоб берадиган ҳолат.
Пенсия белгилаш тартиби. Овоз бериш тартиби. Янгича тўй тартиби.
[Заргаров:] Мажлисда тартиб бўлиши керак! [Пўлатжон домла:] Бугунги мажлиснинг тартиби шунақа. — А. Қаҳҳор, Оғриқ тишлар
Ойимхон столни тақиллатиб, Тожибойни тартибга чақирди. — П. Турсун, Ўқитувчи
2. Нарсаларнинг жойлашуви ва шу кабилар жиҳатдан мутаносиблик бўлиши, меъёрий ҳолат.
Ҳовлиларга тартиб билан мева дарахтлари экилган. — С. Сиёев, Ёруғлик
Яқиндагина келтирилган вагончаларда тартиб ўрнатилди. — Ш. Рашидов, Бўрондан кучли
Уйдаги тартиб ва озодалик унинг баҳрини очиб юборган эди. — С. Зуннунова, Янги директор
3. Шахс ёки нарсаларнинг ўринлашиш тизимида қўлланган ёʻл; сира.
Почтахона орқага қияроқ ўрнатилган газета витринасидан иборат бўлиб, унга алифбо тартибида яшиклар ўрнатилган. — А. Қаҳҳор, Қўшчинор чироқлари
4. Ёʻл-ёʻриқ, усул, ёʻсин.
хон қўшинларнинг шаҳарга кириш ва жойлашиш тартибини олдиндан ўйлаб қўйган эди. — П. Қодиров, Юлдузли тунлар
- Кун тартиби 1. Мажлисда муҳокамага қўйиладиган масалалар. Мажлисни Иброҳимов очди ва кун тартибини эълон қилди. — А. Қаҳҳор, Қўшчинор чироқлариМен бу билан дамба масаласини кун тартибидан чиқариб ташлаш керак, демоқчи эмасман. — А. Қаҳҳор, Қўшчинор чироқлари
- Тартибга солмоқ Тартибли ҳолга келтирмоқ. сочларини тартибга солди-ю, ўрнидан туриб, шоҳи атлас кўрпа-кўрпачалар тўла тахмонга борди. — К. Яшин, ҲамзаСтолни тартибга солаётган Наргизага кўмаклашди. — Ў. Ҳошимов, Қалбингга қулоқ сол
- Тартиб бермоқ (ёки қилмоқ) Тузмоқ. [Машҳадий] Тунларни уйқусиз кечириб, Девон ҳам тартиб қилган. — Ойбек, Навоий
- Тартиб сон