ot 1. Oxir, poyon, nihoya.
Ish tamomiga yetdi. Hikoyani tamomiga yetkazmoq.
2. Tamomila, butunlay, batamom.
Tamom esdan chiqarmoq. Tamom ishonmoq.
Elmurod maʼyus bir necha qadam bosdi. Yoʻq, — dedi ichida, — bu men bilgan, men sinagan Fotima emas. Endi oʻzgarib, tamom boshqa boʻlib qolgan. — P. Tursun, Oʻqituvchi
Yarim kechaga borganda, dushman tamom holdan toyib, chekinishga majbur boʻldi. — A. Qahhor, Oltin yulduz
Zaynab ham tamom ipaklarga koʻmilib yasangan — A. Qodiriy, Oʻtgan kunlar
3. olm. Butun, barcha, tamomi.
Tamom xalq majlisga yigʻildi.
Yusufbek hojining Normuhammad qushbegiga yuborgan chopari Qirovchi yaqinida unga yetgan va qushbegini tamom sipohlari bilan Toshkentga qaytargan edi. — A. Qodiriy, Oʻtgan kunlar
qalampirmunchoqni gulobga ivitishib, kelinning tamom badaniga surtishar emish. — K. Yashin, Hamza
4. kesim vzf. Yakuniga yetganlik, bitganlikni bildiradi.
Tamom, xoʻjayin, ana, shay qilib qoʻydim. — K. Yashin, Hamza
Shahzodaxon eriga koʻzlarini oʻqdek qadab, tan-tanavor qarab turaverdi. Bir zarb oʻlsa, tamom. — K. Yashin, Hamza
5. yukl. vzf. Taʼkid, kuchaytiruvni bildiradi.
Dadam ichib keldimi, tamom, darrov qildan qiyiq chiqarib, oyijonimni doʻpposlashga tushardi. — E. Raimov, Ajab qishloq
Shundan qoʻrqdimi, tamom, oʻlimdan qoʻrqqani boʻladi. Oʻlimdan qoʻrqqan kishi qahramon boʻlolmaydi. — A. Qahhor, Oltin yulduz
- Tamom boʻlmoq 1. Oxiriga, poyoniga, nihoyasiga yetmoq, tugamoq. Dars tamom boʻldi.— Oltin oʻtda bilinadi, — dedi Sobiraxon, — urush tamom ham boʻlar, oʻyin-kulgi uchun toʻplanganimizda, bu kunlar ertakday boʻlib ham qolar. — A. Qahhor, XotinlarQurilish tamom boʻldi;Pul tamom boʻldi. Vaqt tamom boʻldi.Zanjirli reaksiya gʻoyat darajada tezlik bilan rivojlanadi va parchalanuvchi materialning hammasi tamom boʻlguniga qadar davom etadi. — Fan va turmushMayli, bolam, boshga tushganni koʻz koʻrar, deydilar. Meni qoʻyib, oʻzingni ham bir oʻylab qoʻy. Bu tashvishlardan tamom boʻlding-ku, bolam! — O. Yoqubov, Aytsam, tilim kuyadi, aytmasam — dilimYegan yeb ketdi. Ichgan ichib ketdi. Ammo Abduvoseʼ shu bitta toʻy bilan tamom boʻldi. — Mushtum
- Tamom qilmoq 1. Oxiriga, poyoniga, nihoyasiga yetkazmoq. Ahmedov kapsanchilarni kolxoz tuzishga chaqirib, soʻzini tamom qildi. Savol-javobga oʻtildi. — A. Qahhor, Qoʻshchi-nor chiroqlariMaktab qurilishini sentyabrgacha tamom qilamiz;Resurslarni tamom qilmoq.Pul desang —sanogʻi yoʻq Sanab tamom qilib boʻlmaydi. — M. Ismoiliy, Fargʻona tong otgunchaUniversitetni tamom qilgan kishi;Oʻgʻlining tashvishi kampirni tamom qildi;Toʻqsonovning merganlik havasi qoʻzib, darrov Dadaboyning yelkasidagi sochma miltiqni oldi-da, tipirchilayotgan itni bir otishda tamom qildi. — P. Tursun, OʻqituvchiBitta toʻy uni tamom qildi.
- Adoyi tamom boʻlmoq
- Gap tamom Boʻldi, gap tugadi, boshqa gapga oʻrin yoʻq. Shu bilan gap tamom degandek sayr qilish uchun daraxtlar ostidagi yoʻldan ichkari tomon yoʻnaldi. — K. Yashin, Hamza