Қидирув

сфт. 1. Ўз хоҳиши, ҳукмини ўтказадиган; шафқат-сиз, золим.

Болалар бахтининг юлдузларига Заҳарлар сочмоқчи қайси жаллодлар? Дунёнинг равшанлик — кундузларига Зулмат қуймоқчими бебош шаддодлар? — М. Шайхзода

Иброҳим ака, гапингиз тўғри-ку, лекин Исфандиёр тўрани шаддод дейишади. — Ж. Шарипов, Хоразм

2. Ўз фикрини ўтказишга тиришадиган; ўжар, чўрткесар; ўз фикрини қатъийлик билан, дадил айтадиган, тортинмас (асосан аёллар ҳақида).

Шаддод, гапини бировга бермайдиган, эркакшода Асрора звенога бошлиқ бўлди. — С. Аҳмад, Уфқ

Майнанинг уддабуронлиги [Иван Василични] ҳайратда қолдирди: Шаддод қиз. Оламга татийди. — Ш. Тошматов, Эрк қуши

от Шаддод шахсга хос хислат, хатти-ҳаракат.

— Бунга мен жавоб бераман, — деди у [Лобархон] шаддодлик билан. — И. Раҳим, Зангори кема капитани

Тожихонни, шаддодлигига қарамай, Машрабжон ёнида қизларга хос иффат чулғаб оларди. — Мирмуҳсин, Югурдак

айн. Ашаддий.

сфт. Ўта даражада.

Ашаддий фирибгар. Ашаддий юлғич. Ашаддий безори.

Энг ашаддий душмани Зебихон эди; энг яқин ўртоғи Зебихон бўлиб қолди. — Чўлпон, Кеча ва кундуз

Японияликларнинг ашаддий коллексионер эканлиги кўпчиликка яхши маълум. — Газетадан

Salmiak m