от Сирка кислотанинг сувдаги эритмаси — меваларни консервалашда, овқатга қўшиладиган зиравор сифатида ишлатиладиган ўткир ҳидли, аччиқ-нордон мазали суюқлик (уй шароитида узум, олма ва шу кабилар ширин меваларнинг шарбатидан ҳам махсус усулда тайёрланади).
Узум сиркаси. Овқатга сирка солмоқ.
Овқатга мурч, пиёз, сирка кабиларни қўшиш, лимон суви ёки нордонроқ дорилар бериш иштаҳа пайдо қилиши мумкин. — Н. Исмоилов, Касалларни парвариш қилиш
Тўлаган энгашиб, дастурхоннинг бир четига соқолини артди, дон тиқилган товуқдай бўйнини чўзиб кекирди, сирка ичгандай афтини буруштириб: — Жуда тўйдим Азбаройи худо! — А. Қаҳҳор, Танланган асарлар
- Сиркаси сув кўтармайдиган (одам) Гап кўтармайдиган, таъби нозик одам. Мажлис-да унга: — Сен бола, чучварани хом санаб юрибсан. Шошма ҳали, жўжани кузда санаймиз. Бу қанақаси, сирканг сув кўтармайдиган бўлиб қопти, — дейишди. С. Аҳмад, Сайланма. Ҳақиқатда, [Исмоил ота] сиркаси сув кўтармайдиган одам. — У. Назаров, Исмоил тажанг