Поиск

fl. 1. Hisoblamoq, hisoblab sonini, miqdorini aniqlamoq; hisobini olmoq.

Pul sanamoq. Juft-juft qilib sanamoq. Yerdan topsang ham, sanab ol. — Maqol

Devorning paxsasini sanab koʻrdi, oʻttiz paxsa. — Nurali

U xaltachasidagi kumush tangalaridan sanab, Meʼmorga uzatdi. — Mirmuhsin, Meʼmor

2. Raqamlar nomini aytmoq.

Kimdandir yuzgacha sanasang, uxlab qolasan deb eshituvdim. — X. Toʻxtaboyev, Shirin qovunlar mamlakati

Bir, ikki, uch! deb sanashi bilan oʻzini suvga shaloplab tashladi. — Yoshlik

3. Birma-bir aytib oʻtmoq, zikr qilmoq.

Bosh maqola bu odamlar yaratgan va yaratayotgan, tajribadan oʻtgan va oʻtayotgan yangiliklarni birma-bir sanab ularga keng yoʻl ochib berish vazifasini qoʻyar edi. — A. Qahhor, Qoʻshchinor chiroqlari

4. koʻchma Hisoblamoq, deb bilmoq.

Yodgor Dilshodning unga yana zarda aralash qarab qoʻyganini ilgʻab oldi. Tagʻin oʻzini aybdor sanab, yuragi siqildi. — Oʻ. Hoshimov, Qalbingga quloq sol

Ular bu yoqda ekan, — oʻyladi u oʻkinch bilan. — Demak, ular meni odam sanashmagan. Oʻ. — Hoshimov, Qalbingga quloq sol

1. Yil hisobi; yil

2. Biror voqea sodir boʻlgan yil, oy, kun va shu haqdagi maʼlumot (yozuv)

Tarixiy sana. Sanasini aniqlamoq

Bobur Samar-qandni Shayboniyxondan tortib olgandan beri uning jasoratiga tan berib sheʼr yozganlar, satrlardan abjad hisobi bilan gʻalabasining aniq sanasini chiqargan tarixnavislar koʻp edi — P. Qodirov, Yulduzli tunlar

Odamzodning tarixiy voqealarga uygʻun koʻplab unutilmas sanalari bor — "Saodat"

ot 1. Toshdan, yogʻochdan yoki metalldan inson qiyofasida (koʻpincha goʻzal ayol obrazida) yasalgan va ziynatlangan but.

Bu vaqtda ularning hammasi hayratdan qotib qolgan, uyning burchagida turgan sanamga oʻxshardilar. — Sharq yulduzi

Toʻrdagi devorda oqposhshoning yirik portreti, unga uy egasi sanamga sajda qilganday qarardi. — A. Hakimov, Ilon izidan

Bu davrda budda diniga oid turli osori atiqalar, sanamlar topildi. — Gazetadan

2. koʻchma Goʻzal, dilbar ayol, nozanin.

Sizday qizlar boʻldi bunda ulfatim, Yechib yubor, sanam qizlar, qoʻlimni. — Murodxon

ot 1. Ijtimoiy madaniyatning estetik zavq beruvchi, musiqa, musavvirlik, haykaltaroshlik kabi voqelikni badiiy obrazlar vositasida aks ettiruvchi har bir ayrim sohasi.

Tasviriy sanʼat. Meʼmorlik sanʼati. Sanʼat va adabiyot.

Dunyodagi har qaysi soha oʻz sanʼatiga va oʻz madaniyatiga ega. — Yoshlik

Kinematografchilar oʻz ijodiy rejalari, kino sanʼatini rivojlantirish toʻgʻrisidagi oʻylari bilan oʻrtoqlashdilar. — Gazetadan

Zargarlik sanʼati eng.koʻhna sanʼatlardan biri boʻlib, u dekorativ-amaliy sanʼat xili sifatida keng tarqalgan. — Gazetadan

2. Turli amaliy-tatbiqiy sohalarning oʻziga xos ish uslubi, sistemasi.

Harbiy sanʼat.

Uch-toʻrt kilometrga choʻzilgan tepalik harbiy-injenerlik sanʼati bilan uzoq yillar davomida qurilgan mustahkam qalʼaga oʻxshardi. — I. Rahim, Chin muhabbat

3. koʻchma Muayyan faoliyat sohasidagi yuksak mahorat, ustalik; isteʼdod.

Soʻz sanʼati. Notiqlik sanʼati.

Yosh xonandalar, raqqosalar oʻz sanʼatlarini namoyish etdilar. — Gazetadan

Fursatdan foydalanmoq oʻzi bir sanʼat, hunar. — Q. Muhammadiy

Kuldirishga sanʼat kerak, kulishga sof yurak. — Gazetadan

4. Adabiyotshunoslikda: badiiy asar poetikasini taʼminlovchi vosita.

Talmeh sanʼati.

Rujuʼ — maʼnaviy sanʼatlardan biri boʻlib, arabcha qaytish demakdir. — OʻTA

5. Sanʼat (xotin-qizlar va erkaklar ismi).

sft. Shaxmat tartibida oralatib gul tikish usuli, shunday usulda tikilgan gul va shunday gulli buyum.

Ayvonda salla oʻrab ovora boʻlgan maxdum sanama tikib oʻtiruvchi Raʼnoga: — Yoʻlakda xotin kishi koʻrinadi, xabar ol-chi, bolam, — dedi. — A. Qodiriy, Mehrobdan chayon

Elliklab qoziq lungi, yuzlab sanama roʻmollar sandiqlarni toʻldirgan boʻlsa ham, bu narsa Lutfiniso va uning qizini hali qanoatlantirgan emasdi. — Oybek, Tanlangan asarlar

rvsh. Sanasa boʻladigan, sanoqqa yarasha.