Поиск

ot 1. Aravaga qoʻshilmagan; yaydoq.

Salt ot. Salt ot mingan kishi,

Izma-iz kelayotib, Yoʻlbars vovulladi. Ota orqasiga qayrilib qarasa, salt otliqqa koʻzi tushdi. — S. Anorboyev, Oqsoy

2. Yuksiz, beyuk, yengil-yelpi.

Qaytishda charchagan oriq otlarda, ustilaridagi odamlarni koʻtarish nari tursin, salt holda qadam bosish uchun ham kuch topilmasdi. — S. Ayniy, Qullar

Qarang, salt sovliqlar ildam ketib, shirali oʻtlarni yeb tinchitishyapti. — Yoshlik

3. tex. Nagruzkasiz, topshiriqsiz, bekorga, behudaga qilingan (harakat).

Dvigatelning salt yurishi.

Bexosdan lenta uzilib qolsa, gʻaltak salt aylanadi. — M. Joʻra, Quyoshdan nur emganlar

a empty handed

ot 1. Xon, amir, podsho hukmdorligi va shunday hukmdor qoʻl ostidagi davlat; imperiya.

Ahmadmirzo amakisi saltanatining buyukligidan, uning katta qoʻshinidan hayiqardi — Mirmuhsin, Meʼmor

Shohim, doʻstlik hurmati, mamlakatimiz va saltanatimizning osoyishtaligidan boʻlak muddaom yoʻqdir. — Uygʻun va I. Sulton, Alisher Navoiy

2. Saltanat (xotin-qizlar ismi).

s. t. Tashvish-tahlikasiz, bola-chaqasiz; orqa etagida ogʻirligi yoʻq; takasaltang.

Salt-suvoy yigit.

U paytlar hali Sulton salt-suvoy, hali Zumradni ham uchratmagan edi. — X. Sultonov, Onamning yurti

— Shaxmat oʻynashni kim qoʻyibdi sizga, kap-katta odam, — istehzoli kuldi ayol, shaxmatni salt-suvoylar oʻynasin. — Saodat

Harbiy xizmatdan qaytgach, roʻzgʻor yumushlariga qovushmay qolgan salt-suvoy oʻspirin emas. — E. Aʼzam, Kechikayotgan odam