Поиск

Rossiya taʼlim akademiyasi

узбекскийbuzulmoq, ifloslanmoq, aynimoqрусскийпортитьсяанглийскийbecome dirty

Arïysïznï yaŋluq suwun yup arïr qalï artsa suw negün yup arïr Iflos narsani odam suv bilan yuvib tozalaydi, agar suv ifloslansa, u qanday qilib yuvib tozalanadi? – Человек моет водой нечистое, [и оно] очищается, если же испортилась вода, то каким образом оно очистится? – A person is washing with unclean water, and it is purified, if the water has deteriorated, how will it be purified?

sft. 1. Belgili, odatdagi, meʼyoriy vaqtdan ancha yoki birmuncha oldin, barvaqt, vaqtli.

Erta turmoq. Erta borib, kech qaytmoq. Erta qarigan kishi. Bu yil qish erta keldi. Ekinni erta ekkan hosilini erta oʻrar. — Maqol

Harakating erta boʻlsa, kuzda erta oʻrarsan. — Maqol

Raʼno suv salqinida bugun ham erta uxlab qoldi. — I. Rahim, Ixlos

2. Vaqt, fasl bildiruvchi baʼzi soʻzlar bilan birikib, shu vaqt, faslning eng (endigina) boshlanish vaqtini bildiradi.

Erta tongdanoq ishga yoʻl olarkan qalbida ajib hislar mavj ura boshladi. — Gazetadan

Ikromjon, erta bahor Naymanga koʻchib chiqayotganlarida, Azizxonga yozilgan xatga qoʻl qoʻydi. — S. Ahmad, Ufq

Erta nahor chogʻida, dengizning yoqimli orombaxsh mayin shamoli esib turganda Kaspiy ajib jilvagar koʻrinardi. — N. Safarov, Olovli izlar

3. kesim vzf. Biror ish-harakatni bajarish, amalga oshirishga hali vaqt borligini, vaqti kelmaganligini bildiradi.

Uyga borishni istamadi, lekin gapga borishga hali vaqt erta edi. — Oybek, Tanlangan asarlar

Hali yotmoqqa vaqt erta edi. — A. Qodiriy, Oʻtgan kunlar

4. ot Tundan kunga oʻtish vaqti, tongdan soʻnggi payt; ertalab.

Nosvoy yoʻq, ertadan beri xumoriman. — Oybek, Tanlangan asarlar

Nima qilibdi yuragimga? Menga oʻxshab ertadan kechgacha uyda oʻtiring-chi. — A. Qahhor, Asror bobo

5. ot Kelasi kun, soʻz borayotgan kundan keyingi kun.

Bu voqeaning ertasi. Esarning ertasi koʻp. — Maqol

Bugun boʻlmasa, erta. Bugunmi, ertami, oʻqishni boshlaymiz.

Sizlar chiqinglar ish boʻlmasa, yotinglar, erta vaqtliroq turib, yovonga goʻng tashiysizlar. — S. Ayniy, Qullar

Direktorimiz erta bor, indin bor, deb ishni choʻzib yubordilar. — Mushtum

1. Sathning chetlaridan markaziga tomon teng uzoqlikda boʻlgan qismi, nuqtasi; markaz

Nonning oʻrtasi. Gazetaning oʻrtasi. Xonaning oʻrtasi. Hovuzning oʻrtasi. Tarvuzning oʻrtasi

U \Suvonjon\ devordan bir sakrashda oshib tushdi-yu, kuchining boricha oldinga intildi. Bogʻning oʻrtasida Oysuluvga yetdi — S. Anorboyev, Oqsoy

Shaharning oʻrtasida dangʻillama hovlim bor! — O. Yoqubov, Uchrashuv

Toʻxta xola hovli oʻrtasidagi soʻriga kelib, oppoq yostiqqa engashdi — I. Rahim, Chin muhabbat

2. Uzun narsaning ikki uchidan teng uzoqlikda boʻlgan nuqtasi, joyi

Arqonni oʻrtasidan kesmoq

Oʻsh bilan Andijan yoʻlining oʻrtasida shumshayib yotgan Qora-buloq qishlogʻi birvarakasiga uygʻonib ketdi — M. Ismoiliy, Fargʻona tong otguncha

3. Ikki yoki undan ortiq narsalarning oraliq qismi; oraliq

Chap tomonda togʻ etaklari, oʻng tomonda yashil paxtazor, oʻrtasida qishloq — I. Rahim, Chin muhabbat

Sharqu gʻarb oʻrtasida katta bir manzsh, Chin-Mochindan toliqib kelgan karvonlar — M. Shayxzoda

4. Kishilar yoki bir joydagi narsalar orasi; qurshov, davra. — jonli, shoʻx, tetik raqs. Oybek, Quyosh qoraymas

Oʻrtada bir necha qizlar raqs tushmoqda

Olomon ichidan Mamajon oʻrtaga chiqdi — A. Muxtor, Opa-singillar

Sanam xola bilan qanday yarashganini aytdi-yu, qaynanasi pishirib bergan varaqi somsalarni oʻrtaga qoʻydi — P. Qodirov, Qora koʻzlar

5. sft. Oraliq (oʻrta)da boʻlgan; oʻrtadagi

Oʻrta barmoq. Oʻrta eshik. Oʻrta hovli

6. Boshlanishidan va oxiridan taxminan teng uzoqlikda boʻlgan vaqt. m — mehrjon [kuzgi hosil bayrami] pallasi edi. S. Siyoyev, Yorugʻlik

Kunningoʻrtasi. Yilning oʻrtasi

Saraton oʻtgan, kuzning oʻrtasi

7. (asosan oʻ.-p. k. shaklida — oʻrtada) Xamma yoki bir necha kishi uchun umumiy, teng, bir xilda tegishli boʻlgan

Oʻrtada mashinalar, Oʻrtada bu garaj ham, Doʻst boʻlamiz chinakam — Q. Muhammadiy

[Nizomiddinov:] Kolxoz emisha, hamma narsa oʻrtada: Butun bir qishloq bir koʻrpada. Yer oʻrtada, mol-jon oʻrtada — S. Ahmad, Hukm

8. Meʼyoriy darajali; oʻrtacha

Oshning tuzi baland ham, past ham emas — oʻrta. Oʻrta boʻyli yigit. Oʻrta yoshli ayol. yash Dehqon

9. Besh balli baho tizimida "yaxshi"dan past, "yomon"dan yuqori darajadagi baho; oʻrtacha, qoniqarli. n A. Qahhor, Ayb kimda?

Oʻquvchining bilimiga "oʻrta" qoʻymoq. Inshodan "oʻrta" olmoq

Xoʻp, hozir koʻramiz.. "Yaxshi!".. "oʻrta".. "oʻrta". "Dani aʼlo?"

10. (makon kelishiklari shaklida — oʻrtaga, oʻrtada, oʻrtadan) koʻm. vazifasida. Makon, payt yoki obʼyekt munosabatini bildiradi

Gavhar shoshilmay oʻtib, Zulayho bilan Abdu-xalilning oʻrtasiga oʻtirdi.. Oʻ — Hoshimov, Qalbingga quloqsol

Otang bilan oʻrtamizda shunday gaplar oʻtgan — M. Hazratqulov, Jurʼat

ikki kundosh oʻrtasidan ancha gaplar oʻtgani bir daraja maʼlum boʻldi — A. Qodiriy, Oʻtgan kunlar

Shirmonjon olomon oʻrtasidan sugʻurilib chiqdi — S. Zunnunova, Olov

middle, midst

ot anat. Yurakning chap qorinchasidan boshlanadigan eng katta tomir, shotomir, shohtomir. Undan tarqaladigan arteriyalar butun aʼzo va toʻqimalarni kislorodga boy qon bilan taʼminlaydi.