Қидирув

от 1. Пичоқ, қилич каби қуроллар солиб қўйиладиган ғилоф.

Пичоқ қини. Бир қинга икки қилич сиғмас. — Мақол

Яхши гап билан илон инидан чиқар, Ёмон гап билан пичоқ қинидан чиқар. — Мақол

Диловаршоҳ қиличини қинидан суғуриб, қизга ҳужум қилмоқчи бўлди. — С. Айний, Дохунда

Ҳар бир маҳбус, қинда ётган даҳшатли тўппончадан ўз пешонасига ўқ узилаётгандек, ваҳимага тушиб қолди. — М. Исмоилий, Фарғона тонг отгунча

2. Тугунакни ўраб турувчи баргсимон қобиқ, куртак, ғилоф.

Довучча қинидан чиқибди.

Баҳор эди Ўриклар гулини тўккан, ғўралар қинидан чиқиб, киши еса маза топадиган бўлиб қолган. — Ойдин, Садағанг бўлай, командир.

сфт. 1. Тўғри чизиқ бўйлаб ёʻналмаган; эгри, қийшиқ.

Қинғир ёғоч. Қинғир девор. Хатни қинғир ёзмоқ.

Фуқаро уйлари чўзилган қинғир кўчанинг бошида арава сиғадиган катта, бўёқли дарвозага киришди. — Ойбек, Навоий

2. кўчма Қаллобликка, хиёнатга асосланган; қалб.

Қинғир мақсад. Қинғир қадам. Қинғир ҳаракат. Қинғир юрак одам. Қинғир ишнинг қирқ йилдан кейин ҳам қийиғи чиқади. — Мақол.

Дили қинғирнинг тили қинғир. — Мақол.

Болага нисбатан бефарқ қараш хунук оқибатларга олиб келди: Малик қинғир ёʻлга кириб кетди — Газетадан

фл. 1. Бирор томонга оғиб турмоқ, қийшаймоқ, энкаймоқ, оғмоқ.

Нарвон қинғайиб турибди.

2. Кўзни ғилай қилиб қарамоқ, ғилайланмоқ.

Кўзи қинғайиб кетди.

3. кўчма Тўғри ёʻлдан озмоқ, чекинмоқ, оғмоқ.

1. qıysıqlıq, iymeklik

2. aldawshılıq, quwlıq

фл. Қинғаймоқ феълининг орттирма нисбати.

сфт. 1. Ҳамма ери кин-ғир, эгри-бугри.

Қинғир-қийшиқ девор. Қин-ғир-қийшиқ ёʻл. Қинғир-қийшиқ ёзмоқ.

Ҳар қадамда қинғир-қийшиқ муюлишлар дуч келаверди. — Ҳ. Назир, Сўнмас чақмоқлар

2. кўчма Нотўғри, қинғир.

Шаҳарни бедарвоза, деб эгри юрибди, қинғир-қийшиқ ишлари кўп. — Ҳ. Ғулом, Тошкентликлар