1. Bir necha qavat yoki qatlamdan iborat boʻlgan; qavat-qavat, qatlam-qatlam.
Qat-qat koʻrpalar.
Qat-qat bulutni behol yorib chiqqan quyosh oʻz aksini suvga tushirgan edi. — Y. Shamsharov, Oydin koʻllar
Tokchalar qadimcha — ganchdan ishlangan qat-qat katakchalardan iborat. — Oybek, Tanlangan asarlar
2. Qavatlari buklanib ochiladigan yoki shunday yoʻsinda taxlangan.
Oyogʻida shporli yaxshi xrom etik, uning qoʻnjini manglay ajiniday qat-qat qilib, biri ustiga birini qalashtirgan. — Shuhrat, Shinelli yillar
3. koʻchma Qatorlashib taxlanib yotgan; juda koʻp, cheksiz.
Sen oʻqiysan, men ishda, Dilda umidlar qat-qat. — Zulfiya
Doʻstim bilan quvnab, kulishib, Biz qaytamiz, sevinchlar qat-qat. — X. Saloh
4. koʻchma Kam qoʻll. Takror-takror, qayta-qayta.
Meni butun dunyo tinglasin, Chevar qiz, deb maqtasin qat-qat. — Uygʻun
Umr tilab mard oʻgʻli uchun, Ona qat-qat qarar yulduzga. — H. Gʻulom