Қидирув

1. Узил-кесил белгилаб қўйилган, ўзгармайдиган; мустаҳкам, барқарор.

Қатъий баҳолар. Қатъий режа. Қатъий муддат.

У ерда баталон командири билан бирга қатъий жадвал асосида машғулот ўтказадилар. — Шуҳрат, Шинелли йиллар

Бинокорлик ишларини шундай ёʻлга қўямизки, ғўза парваришига сира халал бермайди. Фақат қатъий тартиб ўрнатишимиз керак. — Р. Файзий, Чўлга баҳор келди

2. Қайта кўриш, ўзгартириш, шарт, писанда, эътироз ва шу кабиларга ёʻл қўймайдиган; узил-кесил.

Қатъий жавоб. Қатъий фикр. Қатъий қарор.

Қуръони шариф майни макруҳ деб қатъий тақиқлаган. — П. Қодиров, Юлдузли тунлар

Сув исрофгарчилигига, суғоришни сифациз ўтказишга қатъий барҳам бериш керак. — Газетадан

3. Мустаҳкам, шак-шубҳасиз, қаттиқ.

Қатъий ваъда. Қатъий риоя қилмоқ. Қатъий ишонч.

Мен сени ғолиблар қўлида кўриб, Озод келажакка қатъий ишондим. — Уйғун.

Ҳайдар ўз фикрида қатъий туриб олди. — Ш. Рашидов, Қудратли тўлқин

4. Астойдил, жиддий, қаттиқ.

У., қатъий товуш билан интизом ҳақида гапирди. — Ойбек, Қуёш қораймас

Қутидорнинг бу сўзи жуда ҳам қатъий эди. — А. Қодирий, Ўтган кунлар

.сувсиз ётган ер борки, ҳаммасини ўзлаштиришга қатъий бел боғлаганмиз. — Ўзбекистон қўриқлари

Хўжаев раис кабинетидан ранги ўчган ҳолда чиқди. Аммо ҳақиқатдан кўз юма олмаслигини қатъий туриб айтди. — Муштум

рвш. 1. Қатъий равишда, бутунлай.

Қатъиян ман қилмоқ. Қатъиян ман қилмоқ.

Шу минутдан бошлаб [Элмурод] ўз қароридан қатъиян кечмоқчи ва ҳаммасини бирёʻла кўнглидан чиқариб ташламоқчи бўлди. — П. Турсун, Ўқитувчи

Бундай эътиборсизликка қатъиян барҳам бериш керак. — Н. Сафаров, Оловли излар

2. Сира ҳам, ҳеч, мутлақо.

Уларнинг ҳаракатларидан, юзларидан бениҳоят чарчаганликлари сезилиб турса ҳам, лекин довдираш, ҳовлиқиш, паришонлик қатъиян кўринмасди. — Ойбек, Қуёш қораймас

3. кам қўлл. айн. Қатъий 4.

Отинойи бу сафар ўз қоидасини бузиб, қатъиян тайинлади — П. Турсун, Ўқитувчи

от 1. кт. Ўз фикрида, сўзида, азм-у қарорида қаттиқ туриш; қатъийлик.

Қатъият кўрсатмоқ.

Тўлқинжон анқайиб қолди. У Ҳуридан бундай қатъиятни ва иродани сира кутмаган эди. — Ф. Мусажон, Ҳури

Унинг чеҳрасида, юпқа лабларида аллақандай бир қатъият бор, ҳаракатлари кескин, шиддатли эди. — О. Ёқубов, Излайман

2. Сабр-тоқат, матонат, ирода.

Ҳарбий хизмат ўз характерига кўра йигитлардан қатъиятни талаб қилади. — Саодат

от 1. Қатъий ҳолат, қатъий ҳолатга эгалик, қатъий эканлик.

Фикрнинг қатъийлиги. Ишончнинг қатъийлиги. Мақсаднинг қатъийлиги.

Тартибнинг эркинлиги нисбий бўлганлиги каби, тартибнинг қатъийлиги ҳам нисбийдир. — Газетадан

Ҳафиза ўз ниятида қатъийлиги, маъсум, беғубор севгиси билан гўзалдир. — О. Тоғаев, Умид романи ҳақида.

2. айн. Қатъият 1.

— Ҳамма иш муҳим, -деди Адолат қатъийлик билан, — аммо сув муҳимроқ. — И. Раҳим, Чин муҳаббат

Унинг бутун вужудида ўзига ишонч, қатъийлик сезилиб турарди. — Ж. Абдуллахонов, Орият

ўзбекчақийин, оғиррусчатрудный, суровый, тяжелыйинглизчаdifficult

Қатïйлïй ериндä сïйïню идим Og‘ir damlarimda sig‘inadigan Egam – О боже мой, у которого в трудные времена [мне] нужно искать убежища – Oh my God, who in difficult times [I need] to seek refuge

покрусчачистыйинглизчаpure

Бир-ул бир қатïйïз қарïйсïз арïй, ёқуй бар қïлур ол қïлур ёқ барïй Аллоҳ ягона, у барча нарсалардан пок, У ёʻқни бор қилади, борни ёʻқ

Бир-ул бир қатïйïз қарïйсïз арïй, ёқуй бар қïлур ол қïлур ёқ барïй Один он (аллах) един, он нисчем несмешан, чистый, он творит не существующее и уничтожает существующее

Бир-ул бир қатïйïз қарïйсïз арïй, ёқуй бар қïлур ол қïлур ёқ барïй He alone (Allah) is one, he is not mixed with anything, pure, he creates non-existent and destroys the existing