Qidiruv

ot 1. q.x. Ekin maydonining atrofi marzalar bilan toʻrtburchak shaklida koʻtarilgan va bostirib sugʻorish uchun moslangan bir boʻlagi.

Bir pol iyuli. Ikki pol piyoz. Polga suv qoʻymoq.

Charaqlab oftob chiqib, sholikorlik pollarini toʻldirgan yomgʻir suvlarini oynadek yaltiratdi. — S. Ahmad, Ufq

Tushgacha arang uch pol yerdagi pichanni oʻrib oldim. — Yoshlik

2. s. t. Marza.

Pastga ekdim sholini, Baland koʻtar polini. — Qoʻshiqlar

ot Zarb yeb yoki pishib oʻtib ketib ichi tushgan, ichi boʻsh.

Poʻla qovun. Qovunning yomoni —

poʻla, Xeshning yomoni — boʻla. — Folklor

ot Odatda diviziya yoki brigada tarkibiga kiradigan va bir necha batalon va rotadan tashkil topgan harbiy qism.

Piyoda askarlar polki. Tankchilar polki.

Ertalab gospital joylashgan bogʻ oldidagi maydonga butun polk yigʻildi. — O. Yoqubov, Izlayman

Polk ikki kunli marshdan keyin bepoyon, kun tushmas qalin bir oʻrmonga oʻrnashganicha qolib ketdi. — A. Qahhor, Oltin yulduz

ot 1. Temirning maʼlum miqdordagi uglerod bilan qoʻshilishidan hosil boʻlgan, kulrang, choʻkichlanuvchi qattiq metall.

Zanglamaydigan poʻlat.

Ie-ye, menda poʻlat nima qiladi, taqsir. Eski taqalar, temir-tersaklar bilan zoʻrgʻa qimirlab turibmiz. — M. Ismoiliy, Fargʻona tong otguncha.

2. Shu metalldan tayyorlangan, yasalgan.

Poʻlat sim. Poʻlat qaychi. Poʻlat tish. Poʻlat pichoq qinsiz qolmas. — Maqol

3. folk. Qilich, shamshir.

Olmos poʻlat bogʻlab men ham belimdan, Dev izlab chiqqanman oʻsgan elimdan. — Malikayi ayyor

Poʻlat bilan qirdi devni, keskir xanjarini urdi, yalangʻochlab qilich soldi. — Malikayi ayyor

4. koʻchma Metinday mustahkam, buzilmas, yengilmas.

Poʻlat qalʼa.

5. Kuchli, zabardast.

Qish. Dehqon ahlining poʻlat muskullariga hordiq beradigan, koʻngil yozadigan fasl. — Oʻzbekiston qoʻriqlari

Bizning poʻlat qudratimiz — birligimizda. — M. Shayxzoda

6. Poʻlat (erkaklar va xotin-qizlar ismi).

poligrafiyaga oid atama

Yengil avtomobilning tubi (pol qismi) boʻlgan kuzov detali; haydovchilik, yoʻlovchilik va ora poliklar farqlanadi