Проект Hayot Foundation
О проекте
Ру
Ру

Поиск

По запросу «PISMOQ» — результатов: 60: с: Узбекский

Фильтр
Тип словаря
Толковый Переводной Терминологический Фразеологический
С языка
Узбекский Русский Английский Каракалпакский Французский Латинский Турецкий
На язык
Русский Английский Каракалпакский Немецкий Французский Арабский Турецкий

Словарные статьи

58
pismoq

fl. 1. Oʻzini panaga olmoq; bekinmoq, yashirinmoq.

U, joʻralari bilan atrofi yashil chakalak bilan oʻralgan gulzor yaqinida pisib oʻtirgancha, qushni tomosha qilardi. — S. Nurov, Narvon

Pulemyot uyasi burchaklarida pisib yotganlarning [nemislarning] uchtasi oʻlib, bittasi yarador boʻlgan. — N. Safarov, Olovli izlar

Bahodir yigit oyogʻi uchida turgan granatalarni olib, chaqqonlik bilan dushmanga qarshi irgʻitdi, oʻzi esa transheyaga pisdi. — N. Safarov, Jangovar sahifalar

2. Indamay qolmoq, jim boʻlmoq.

Muhsina xonim birdan pisib qoldi. Yaxshiboyev ichida kuldi. — M. M. Doʻst, Lolazor

Oshno, qishloqqa ketaman, deb gʻingshimogʻi mumkin, lekin unini oʻchirish qiyinmas — Mayrani bir eslatsam bas, pisib qolishi tayin. — M. M. Doʻst, Lolazor

Полная статья →
pisht

und. s. Mushukni haydash uchun ishlatiladi.

Mushukka pisht demagan tovuqqa kisht dermidi? — Maqol

  • Mushugini pisht demaslik Hech qanday ozor yetkazmaslik, qattiq gapirmaslik. Qalandarlar halqasi daxlsiz edi, xonlikda birovlarning mushugini pisht demasdi. — S. Siyoyev, AvazEndi uyga bemalol borsam boʻladi, deb xayol qildi, qani, birov mushugimni pisht, deb koʻrsin-chi. — M, M. Doʻst, Lolazor.
Полная статья →
pista

ot 1. bot. Janub togʻlarida oʻsadigan past boʻyli, yongʻoqmevali daraxt yoki buta.

Tabiatning mehri bilan yasalgan koʻm-koʻk archazorlar va togʻ ariqlaridagi jarlar yoqasida saf tortgan pista zumraddek tovlanib, koʻzni qamashtirar edi. — Tuygʻun, Shoir haqida haqiqatlar

2. Shu daraxtning qattiq qobiqli mevasi.

Odam odam bilan, Pista bodom bilan. — Maqol

Lekin pista, bodom, mayiz, jiydani koʻrib, tarvuzim qoʻltigʻimdan tushdi. — F. Musajonov, Himmat

Ana shirinlik, mana shirinlik, deb murabbo-yu nisholda, pista-yu magʻiz, qand-qurs, yana allanimalarni hech surishtirmasdan, aralash-quralashiga pok-pokiza tushiraveribdi. — N. Maqsudiy, Mechkay eshon

3. s. t. Kungaboqarning xom yoki qovurilgan urugʻi.

Bir vaqtlar eri urushda oʻlgan xotin shu tosh ustida oʻtirib, pista sotardi. — Oʻ. Hoshimov, Qalbingga quloq sol

  • Xandon pista Jigar-u buyrak, dumba yogʻdan tayyorlangan qoʻshaloq parmuda somsalar, xushboʻy murabbolar, Beshkaramning anori-yu, Fayziobodning tilyorar qovunlari, xandon pista, mayizlarning eng tozalari, yaxna goʻsht — Yoshlik
  • Pista dahan Ogʻzi pistaga oʻxshash kichik va kelishgan. [Xolmat:] Obi ravon pista dahan, nozik ado, pari jahon, yaʼni ism shariflari — Jamilaxon. Hamza, Boy ila xizmatchi
  • Pista koʻmir Keyin pista koʻmir soʻrab kirganimda, biram besaranjom ediki oʻtinxonalari. — S. Zunnunova, Olov
  • Pista poʻchoqqa jo qilmoq (yoki joylamoq) Gap bilan ogʻiz ochdirmay, bir burchakka tiqib qoʻymoq.
Полная статья →
pisand

ot faqat boʻlishsiz shaklda Diqqat-eʼtibor, nazar-eʼtibor.

Xon hech quloq solmadi, Pisandiga olmadi. — H. Olimjon

Boshqa bolalar mana meni qancha uylariga chaqirsalar, ziyofat qilsalar ham, seni bu ostonangcha pisandimga kelmaydi. — Hamza, Tanlangan asarlar

  • Pisand emas 1. Koʻngliga sigʻmaydi, koʻziga koʻrinmaydi. Unga hozir uy ham, bogʻ ham, mashina ham pisand emas;Unga hech kim pisand emas;Bu ish menga pisand emas.Bizga, ona, mol-jon pisand emas. Menga keliningizni bir koʻrish ming podshohlikdan afzalroq. — Hamza, Tanlangan asarlar— Dunyoda odamning qoʻlidan kelmaydigan ish bor ekanmi! Faqat istak boʻlsin, koʻpchilikka hech narsa pisand emas, — dedi Abdurasul. — P. Tursun, Oʻqituvchi
  • Pisand qilmaslik Nazarga ilmaslik, mensimaslik. U hech kimni pisand qilmaydi.Shunday kazo-kazolarning qizlari Poshshooyimlar, Xonzodalar qoq sahar turib, xizmatimga hozir boʻlsa-yu, sen benasab, isqirt, atlas koʻrpada meni pisand qilmay, xurrak otib yotsang! — Hamza, Boy ila xizmatchiGʻoziddinning nazarida, uni faqat bir kishi — Qodirjon chetdan kuzatib, muntazam taʼqib qilgandek edi. U aslida Qodirjonni pisand qilmas, odam oʻrnida ham koʻrmasdi. — O. Muxtor, Egilgan boshBu boʻyicha bizni pisand qilmaydi, bu yerda it oʻltirganmi, eshak oʻltirganmi — parvosiga keltirmaydi. — A. Qodiriy, Obid ketmon
Полная статья →

Показать все · 58 →

В определениях

2