Izohli lugʻat
· yana 7 ta lugʻatda
ot 1. Yurt-el orasida biror narsa, voqea va shu kabilar toʻgʻrisida tarqalgan xabar, gap-soʻz, mish-mish.
Biroq tez kunlarda Foziljon uylanmoqchi emish, ammasi qiz qidirib yuribdi, degan ovozalarni eshitishdi. — S. Zunnunova, Koʻk chiroqlar
2. Shuhrat, dovruq, dong.
Goʻzal Armaniston, meni afv et, Daʼvom yoʻq shuhrating ovozasiga. — S. Abdulla
3. mus. Oʻn ikki maqom tizimidagi pardalar tuzilmasi.
- Ovoza boʻlmoq yoki ovozasi ketmoq Shuhrati har tarafga tarqalmoq, mashhur boʻlmoq; shuhrat, dong chiqarmoq. Boy hammaga soz-u tomosha, atrofga ovoza boʻlsin, deb kelin oʻtovi uchun baland supa qurib ustiga oq oʻtov tiktirdi. — Yoshlik
- Ovoza qilmoq Biror xabarni el-yurt orasiga tarqatmoq, dovruq qilmoq, yoymoq. U kanalga kelib, yurt ogʻziga tushib qolganidanmi yo atoqli shoir u toʻgʻrida kattakon ocherk yozib, respublikaga ovoza qilganidanmi, har qalay, endi ancha bosiq boʻlib qolgandi. — S. Ahmad, Ufq.