фл. 1. Ўт олмоқ; ёнмоқ, ёндирмоқ.
Уйларимиз ўртаб ёнарди, Иссиғига исинарди ёв — Т. Тўла
Халойиқ қизил аскарлар хонумонимизни ўртаб вайрон қилди — Н. Сафаров, Кўрган-кечирганларим
2. кўчма Ниҳоят даражада қиздирмоқ; куйдирмоқ.
Қуёшдан оққан олов сели гавжум шаҳар кўчаларини ўртайди. — Ж. Абдуллахонов, Орият
3. кўчма Руҳий алам-изтиробга солмоқ; куйдирмоқ.
Юракни ўртамоқ. Жонни ўртамоқ.
Нега индамайсан, йиғлайсан, Юрак-бағрим ўртаб тиғлайсан. — Э. Раҳим
Остингда юз алвон ўйнайди отинг, Душманни ўртайди шаъни-шавкатинг. — Алпомиш
Акромнинг қулоғига карнай-сурнай садоси чалинса, ҳеч қачон ушалмас орзуси алам бўлиб, вужудини ўртайди. — Э. Усмонов, Ёлқин