По запросу «OʻD» — результатов: 206: с: Узбекский
vaqtрусскийвремяанглийскийtime
Ayïqlïγ turur bu ölüm belgülüg, ödi kelmäginčä er ölmäz külüg Shubhasiz, bu o‘lim muhaqqaqdir, (ammo) vaqti-soati yetmaguncha mard bahodirlar o‘lmaydilar – Несомненно, [что] смерть является обязательной, [но] пока время не наступит, не умрет герой – There is no doubt that death is mandatory, but until time comes, the hero will not die
ot 1. Fikrlash, soʻzlash va mehnat qilish qobiliyatiga ega boʻlgan, shu tufayli boshqa hamma maxluqotdan ustun turuvchi jonli zot; kishi, inson.
Ibtidoiy odam.
2. Kishilik jamiyatining ayrim bir aʼzosi, shaxs.
Yaxshi odam. Halol odam. Asl odam. Ablah odam. Odam borki, odamlarning naqshidir, odam borki, hayvon undan yaxshidir. — Maqol
Odam taftini odam koʻtaradi deganidek, Nizomjon kelib, uy toʻlib qolgandek boʻldi. — S. Ahmad, Ufq
Avaz oʻzicha oʻylandi: Bir ulugʻ odamning, bir gʻaribning janozasiga odam koʻp keladi, deganlari rost ekan-da. — S. Siyoyev, Yorugʻlik
Bular bu yerga oʻtirgani kelgani yoʻq, bir odamni qidirib kelishgan. — A. Qahhor, Ogʻaynilar
Bizning Nabigul odam emas-e oʻzi! Yosh-da, hali oshna-ogʻaynigarchilikni bilmaydi. — A. Qahhor, Qanotsiz chittak
3. Jamoa xoʻjaligi, oila aʼzolarining har biri; jon.
Odam boshiga besh soʻmdan. Xarajat va daromadlarni odamga qarab taqsimlamoq.
Hasharga har bir xoʻjalik qirqtadan odam beradi. — T. Ashurov, Oq ot
4. Biror boy-badavlat yoki amaldor kishining xizmatkori yoki tarafdori.
Keyingi yillarda xon odamlari qishloqma-qishloq yurib, koʻproq paxta ekishni talab qilishyapti. — S. Siyoyev, Yorugʻlik
Bundan keyin gaplarimni uqib oling, modomiki men bilan birgasiz, mening odamimsiz, har bir ishni men bilan bahamjihat qiling. — Oybek, Tanlangan asarlar
5. Oʻzga jamoa yoki oila vakili.
Lekin qizlaridan yashirincha kuyovnikidan odam kelib qolar, deb kutdilar. — S. Zunnunova, Koʻk chiroqlar
ot 1. Oʻrganish boʻlib qolgan harakat, qiliq.
Yaxshi odat. Yomon odat. Sening odating menga maʼlum. Bu otning tishlaydigan odati bor. Odat qilmoq.
Tarki odat — amri mahol. — Maqol
Hasanalining ortiqcha berilib oʻylagan kezda soqolini qayirib tishlaydigan bir odati boʻlib, hozir ham soqolini yamlash bilan mashgʻul edi. — A. Qodiriy, Oʻtgan kunlar
Har qanday yerga soʻramay-netmay kirib boraverish oqsoqolga odat edi. — P. Tursun, Oʻqituvchi
2. Ota-bobodan qolib kelayotgan va kishilarga singib ketgan yoki yangidan singib borayotgan rasm-rusum, udum, tartib.
Eski odat.
Yilni oʻn ikki hayvon nomi bilan atash odati va 12 yillik davr bilan vaqt hisoblash anʼanasiga Qadimgi Xitoyda asos solingan. — Fan va turmush
Ertalab, odat boʻyicha, Nuri toʻr roʻmol yopinib, beshikdagi boladan to keksalarga qadar — hammaga salom qilar ekan. — Oybek, Tanlangan asarlar
Hatto shunday bir odat borki, kimdir vafot qilsa, uning tobutini koʻtarish oldidan, albatta, koʻpchilik oʻrtasida, marhumning olgan-bergani bormi, deb soʻraladi. — Shukrullo, Saylanma
sft. 1. Biror tomonga yon bosmay, qonun, adolat yuzasidan xolisona, haqqoniy ish tutadigan; adolatli, begʻaraz, toʻgʻri.
Odil odam. Odil hukumat. Odil sudya. Odil turmoq.
Rixsi bunday gaplarni, uning mehnatini, uni himoya qilib aytilayotgan bunday soʻzlarni birinchi marta eshitar, bu xilda odil odamlar borligini endi koʻrib turmoqda edi. — S. Zunnunova, Olov
2. Adolat bilan tuzilgan, adolat ruhi bilan sugʻorilgan; adolatli.
Ammo buning uchun sen taklif etgan kurash falsafasi emas, goʻzal va odil qonunlar, islohotlar kerak. — Oybek, Nur qidirib
3. Odil (erkaklar ismi).
ot 1. Olgʻa yoki orqaga, oʻng yoki soʻlga oyoq tashlab qilingan harakat; qadam.
Koʻchaning burilishida yana bir oz uning [Otabekning] odimlari sekinlashsa ham, lekin oldinlashni qoʻymay boraverdi. — A. Qodiriy, Oʻtgan kunlar
2. Bir qadam oraligʻidagi masofa; shu masofaga teng oʻlchov birligi.
Bir odim. Oramiz ikki odimcha keladi.
Boyning darvozasidan yigirma odim naridagi eski, kichkina eshik kishining gʻashini keltiruvchi tovush chiqarib ochiladi. — Oybek, Tanlangan asarlar
3. koʻchma Oʻsish, rivojlanish surʼati.
Qayta qurishning odimlari tobora shiddatkor boʻlib boryapti. — Gazetadan
4. koʻchma Harakat, qadam olish, yurish-turish.
Uning odimi bejo!
sft. 1. Rangi-tusi, guli koʻzga yaqqol tashlanmaydigan; sodda, sipo.
Odmi chit. Odmi koʻylak. Odmi kiyinmoq.
Yosh juvonlar gajak qoʻyib, keksaroqlari soch farqini toʻgʻri ochib, odmigina kiyinib, konsertga joʻnab ketishdi. — S. Ahmad, Ufq
Oʻzbek oyim toʻyga boradigan xotinlardek yasangan, egnida odmi xonatlas koʻylak, boshida oq shohi dakana, koʻzida surma edi. — A. Qodiriy, Oʻtgan kunlar
2. koʻchma Oddiy, sodda, kamtar.
Odmi odam. Odmi gap.
Elomonov atrofga koʻz yugurtirdi. Xona odmiroq ekan. — M. M. Doʻst, Galatepa qissalari.
Bu ertakda ayyor tulkining oʻz birodarlarini aldayotgani va buning oqibatida barcha tulkilarning qanday qilib ovchilar qoʻliga tushgani hikoya qilinadi. Unda ma
Ahmad ismli er oʻz xotinining maslahatlari tufayli turli qiyinchiliklarga duch keladi. Uning soddaligi va tushunmovchiligi kulgili vaziyatlarni keltirib chiqara
Qoʻrqoq va dangasa Bahodirning tasodifan qahramonga aylanishi haqidagi ertak. Uning omadi va ayyorligi uni turli xavfli vaziyatlardan qanday qutqarishi tasvirla
Bu ertak oʻgay onaning zulmidan qochib, oʻz baxtini topishga intilgan Boʻz bola va uning sadoqatli doʻstlari haqida hikoya qiladi. Ertakda muhabbat, sadoqat va
Zolim podshohning oltin chinori uchun Bulbuligoʻyo qushini topishga chiqqan kenja shahzoda sarguzashtlari haqida hikoya qilinadi. U oʻzining mardligi va sadoqat
Ertakda dangasa er va uning mehnatkash xotini haqida hikoya qilinadi. Xotinining saʼy-harakatlari tufayli ular mol-mulkka ega boʻlishadi va kutilmagan xavfdan q
