ot 1. Tashkilot, kor-xona yoki idora aʼzolarining biror masala muhokamasiga bagʻishlangan yigʻilishi va uning ishtirokchilari.
Ochiq majlis. Yopiq majlis. Partiya majlisi. Majlis oʻtkazmoq. Majlis qilmoq.
Bu masalani ota-onalar majlisida muhokama qilish kerak. — Oʻ. Hoshimov, Qalbingga quloq sol
2. esk. Toʻy, ziyofat yoki boshqa munosabat bilan uyushtirilgan oʻtirish va shu oʻtirish qatnashchilari.
Majlis Ziyo shohichining uyida Otabekning mehmondorchiligi uchun yigʻilgan. — A. Qodiriy, Oʻtgan kunlar
Yusufbek hoji koʻtarilib, Qambar sharbatdorga qaradi va majlisni yer ostidan kuzatib chiqib, yana jim qoldi. — A. Qodiriy, Oʻtgan kunlar
3. Baʼzi sharq davlatlarida (masalan, Oʻzbekiston, Turkiya, Ozarbayjon va Eronda) qonun chiqaruvchi organ (parlament); hukumat hayʼati.
- Qiz(lar) majlisi Kelinning toʻy munosabati bilan oʻz oʻrtoqlariga beradigan ziyofati. Uyda, Kumushbibining togʻasining uyi-da, qizlar majlisi, gullar majlisi. — A. Qodiriy, Oʻtgan kunlar