Qidiruv

«KISh» boʻyicha 508 ta natija: Oʻzbekchadan

Filtr

Boʻlim

Lugʻatlar Ertaklar Shevalar

Lugʻat turi

Izohli Tarjima Terminologik Frazeologik

Tildan

Oʻzbekcha Ruscha Inglizcha Qoraqalpoqcha Turkcha

Tilga

Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

127 ta

kish

Izohli lugʻat

und. s. Tovuq va boshqa qushlarni haydashni ifodalaydi.

Toʻliq maqola →

kishi

Izohli lugʻat · yana 6 ta lugʻatda

ot 1. Fikrlash, soʻzlash hamda ijtimoiy mehnat jarayonida qurol yasash va undan foydalanish qobiliyatiga ega boʻlgan jonli mavjudot, zot; odam, inson.

Til kishilarning oʻzaro aloqa qurolidir.

Kishining ruhiy holati va ish qobiliyati muayyan ritmga boʻysunishini odamlar allaqachon payqashgan. — Gazetadan

Uning yuqori qismidagi tugmachani bossangiz, teshikdan maxsus uzunlikdagi elektromagnit toʻlqinlar chiqib, kishi miyasining uxlatuvchi markaziga taʼsir koʻrsatadi. — O. Moʻminov, Xiyobondagi uch uchrashuv

Zaytun daraxtining turgan-bitgani kishi organizmi uchun foydali. — Gazetadan

2. Insoniyatga mansub zot, shaxs, odam.

Obroʻli kishi. Xushomadgoʻy kishi. Oilamizda toʻrt kishi bor. Har qanday kishi. Olijanob kishi. Kishilar toʻdasi. Besh kishidan iborat komissiya,

Novcha kishi shofyor uzatgan papkani qoʻltigʻiga qistirdi-yu, katta-katta odim tashlab, tezda sheriklariga yetib oldi. — A. Obidjon, Akant qaragʻay Gulmat

Ey, bu ota Sharif tarroning janozasida Otamurod qorining yonida qurʼonni sharillatib oʻqib oʻtirgan kishi-ku! — S. Siyoyev, Yorugʻlik

Kishi yaxshi koʻrgan odamini, ming oʻrab tashlanmasin, bitta qiligʻidan biladi. — Mirmuhsin, Meʼmor

3. Umuman, balogʻat yoshidan oʻtgan shaxs; katta yoshli odam.

Ayol kishi. Erkak kishi,

— Yoshing yigirma beshga qarab boryapti, — dedi onasi hamon oʻsha titragan tovushda, —

xotin kishi oʻttizga kirsa oʻtin boʻladi. — Oʻ. Hoshimov, Qalbingga quloq sol

U kamgap, birovga aralashmaydigan kishi edi. — S. Ahmad, Yulduz

Kabinetdan grajdancha kiyimdagi novcha kishi, orqa eshikdan esa uchta militsioner tushib keldi. — A. Obidjon, Akang qaragʻay Gulmat

4. Oʻzga,- begona shaxs, birov.

Kishi yurtida xon boʻlguncha, oʻz yurtingda gado boʻl.

Jiyan, aqling boʻlsa, kishining bir tiyiniga xiyonat qilma. — Oybek, Tanlangan asarlar

5. s. t. esk. Shariatga binoan, balogʻatga yetgan xotin-qizlar yuzini, oʻzini koʻrsatmasligi kerak boʻlgan begona erkak.

Qoʻrgʻon eshigidan ayol ovozi eshitildi: — Nima kerak? — Munda kel! — chol qoʻli bilan imladi. — Kishi bor-ku — Qarindosh, Xushroʻyning oʻgʻli, — deb tushuntirdi chol. — Oybek, Tanlangan asarlar

6. Taʼkid ifodalaydi.

Afsuski, kundalik turmushimizda baʼzan buning aksini koʻrib, oʻksinasan kishi. — Mushtum

Yomgʻirda yuvilgan trotuarlarda yursang, shunchalik yengil tortasanki, imtihonlarni ham stipendiya tashvishini ham unutib yuborasan kishi. — Oʻ. Hoshimov, Qalbingga quloq sol

Kishidan qochmoq Begona erkakka oʻzini koʻrsatmaslik (xotin-qizlarga nisbatan qoʻllanadi).
Kishi bilmas Yashirin holda, hech kimga bildirmay; zimdan. Juda hayallab ketishdi-ku. Kishi bilmas borib kelmaysanmi, uka? [dedi Mansur]. Z. Said, N. — Safarov, Tarix tilga kirdiHar bir harakatingni kishi bilmas aygʻoqchi kuzatadi. — K. Yashin, Hamza

Toʻliq maqola →

kisht

Izohli lugʻat · yana 1 ta lugʻatda

Shaxmat oʻyinida: biror dona bilan shohga hujum haqida ogohlantirish.

[Shayxulislom:] Balli! Kisht! [Mynajjim:] E, asp ketdi, taqsir! — Uygʻun va I. Sulton, Alisher Navoiy.

Kisht bermoq Shohga hujum qilmoq va shu hujumni eʼlon qilmoq.

Toʻliq maqola →

kishan

Izohli lugʻat · yana 7 ta lugʻatda

ot 1. Otning ikki oldingi oyogʻiga (erkin yurishga imkon bermaslik uchun) solinadigan boʻgʻov, zanjir.

2. Oyoq, qoʻl, boʻyinga solib, qulflab, band qilib qoʻyiladigan, temir halqalardan ishlangan maxsus moslama.

Nabi Farhodning qoʻl-oyogʻiga bogʻlangan oddiy kishanni ochdi va boʻgʻovli kishanlardan birini olib, uning buti va boʻyniga urdi. — S. Ayniy, Qullar

Soldat kalitni berdi. Boyagi erkak mahbuslarning qoʻllaridagi kishanlarni ochdi. — M. Ismoiliy, Fargʻona tong otguncha.

3. koʻchma Umuman, erkin harakatga yoʻl qoʻymaydigan narsa, toʻsiq, gʻov.

Ammo Sohib qori bilan Bozorovlar unga kishan boʻlmasalar bas edi! — I. Rahim, Chin muhabbat

U vaqtda ot, sigir tushunmaslik oyogʻimga kishan boʻlgan ekan. — A. Qahhor, Qoʻshchinor chiroqlari

Zeb-u ziynat, oʻyin-kulgiga oʻrgangan xotin uchun bola oyoqning kishani boʻlib tuyulardi. — S. Ahmad, Qadrdon dalalar

Kishan(ga) solmoq (yoki urmoq) Kishanli holatga solmoq, kishanband qilmoq; kishanlamoq. Zulmga qarshi soʻzlagani uchun, dehqonlarga yer talab qilgani uchun uni kishanga solishdi. — Oybek, Nur qidiribBir necha soldat kelib, mahbuslarni ushladi. Yasovul hammasining qoʻliga kishan urdi. — M. Ismoiliy, Fargʻona tong otguncha.

Toʻliq maqola →

kishvar

Izohli lugʻat

ot esk. kt. Viloyat, oʻlka, mamlakat.

Yetishdi bu goʻzal kishvarda Bobir, Boʻlib soʻz ustasi, sanʼatli shoir. — Habibiy

Tangri bizga shunday katta kishvarni inoyat qilgani uchun, biz Samarqandday olamshumul dorussaltanaga muyassar boʻlganimiz uchun shukronalar aytmogʻimiz kerak. — P. Qodirov, Yulduzli tunlar

Toʻliq maqola →

kishanli

Izohli lugʻat · yana 1 ta lugʻatda

sft. ayn. Kishanband.

Kishanli oyoqlarini bir tarafga osiltirib olgan temirchi Rajab polvonning belidan quchoqladi. — Sh. Toshmatov, Erk qushi

Toʻliq maqola →

Hammasini koʻrish · 127 →