Поиск

ot 1. Harbiy qismlarning, qurolli kuchlarning qonli toʻqnashuvi, urush.

Jang qilmoq.

Madad uchun yuborilgan nemis tanklarining yoʻlini bizning tanklarimiz toʻsgan, soylikda tanklar jangi boʻlmoqda edi. — A. Qahhor, Oltin yulduz

Shayboniyxon hali hech qaysi jangga bunchalik jon-jahdi bilan tayyorlangan emas. — P. Qodirov, Yulduzli tunlar

2. Qarama-qarshi ijtimoiy guruhlarning toʻqnashuvi.

Sinfiy jang.

Qarama-qarshi gʻoyalar kurashi esa soʻnggi nafasgacha davom etadigan hayot-mamot jangidir. — OʻTA

3. sprt. Musobaqa.

Sportning boshqa turlari boʻyicha ham qattiq janglar davom etayotir. — Gazetadan

4. Bahs, munozara; janjal.

Ochilgach kelib ertasi hujrasi, Qilur jang-u janjal har ertasi. Muqimiy.

5. koʻchma Astoydil mehnat.

bu yil biz 3 mln 350 ming tonna oq oltin uchun jang olib bormoqdamiz. — Sharq yulduzi

ot Sanʼat asarlarining syujet va uslub jihatdan oʻziga xos xususiyatlarga ega boʻlgan har bir turi.

Lirika janri. Hajv janri. Qoʻshiq janri.

[Gʻiyosov] Qobiliyatini publitsistikaning barcha janrlarida sinab koʻrdi. — X. Yodgorov, Hayot toʻlqinlari

Sermahsul ijodkor musiqaning yirik janri — operaga ham qoʻl urdi. — Gazetadan

Peyzaj rassomchilikning murakkab janrlaridan biri boʻlib, u katta vazifalarni oʻz zimmasiga oladi. — Sharq yulduzi

ot 1. Darvesh va qalandarlarning uloq-quroq toʻni.

Bitsin endi eski turmush, Ul kulohu jandalar. — Hamza

2. Eski, yirtiq, uloq-quroq, juldur kiyim.

Ertasi kuni Jalil janda kiyib, qoʻliga tayoq olib, hech qanday qurolsiz holda, yoʻlga chiqdi. — Sh. Xolmirzayev, Bodom qishda gulladi

Goʻng chiqariladigan teshikni kechalari janda bilan yopib, kunduzlari ochib qoʻydim. — T. Murod, Ot kishnagan oqshom

3. Bolalar oʻyinida: oʻyinni yaxshi bilmaydigan bolaga ikki marta oʻynash uchun berilgan huquq.

ot 1. Oʻtmishda va hozir kishilarni, amaldor yoki davlat arboblarini ulugʻlash shakli.

Elchi janoblari. Bosh vazir janoblari.

[Shayxulislom:] Demak, janoblarining hukmi jiddiy? [Navoiy:] Taqsir, saltanat ishlarida hazil boʻlmaydi. — Uygʻun va I. Sulton, Alisher Navoiy

Bu zamonda Navoiy janoblaridek pok odam hargiz topilmas. — Oybek, Navoiy

— Qozi domla muhtaram Teshaboy janoblarining iltifotlaridan mamnun boʻlibdilar, — dedi qori. — M. Ismoiliy, Fargʻona tong otguncha.

2. Kishi ismlariga qoʻshiladigan kesatiq soʻz.

Dekanatdan chiqsam, Boqizoda janoblari yalpayib, choy ichib oʻtiriptilar. — S. Karomatov, Oltin qum

rvsh. zid. Dunyoning toʻrt asosiy tomonlaridan biri; shimol.

Derazalari janubga qaragan uy.

— Ana, — dedi Matqovul, janubda koʻrinib turgan togʻ tomonga ishora qilib. — M. Ismoiliy, Fargʻona tong otguncha.

Bizni mehmon qildi deb, Qadrimizni bildi deb, Senga rahmat aytamiz, Soʻng janubga qaytamiz. — Uygʻun

ot 1. Bir yillik xushboʻy oʻsimlik; oshkoʻk.

Oʻynab yurar kiyiklar Janbil oʻsgan togʻida. — Uygʻun

2. Janbil (erkaklar ismi).