фл. 1. От-улов бошига нўхта ёки юган солмоқ.
Ҳамроҳи отга етиб келиб, саманни жиловлаб олди. — М. Исмоилий, Фарғона тонг отгунча.
2. кўчма Тиймоқ, тартибга солиб қўймоқ; бўйсундирмоқ.
Унинг ўғли Абулҳорис Мансур ҳам бевош вазирлар, исёнчи ҳокимларни жиловлай олмади. — М. Осим, Карвон ёʻлларида
Амударёни жиловласак, Ўзбекистон бутун-бутун янги пахта водийлари яратади. — Ойбек, Олтин водийдан шабадалар.
3. кўчма Эгалламоқ, ўрганмоқ.
Йигитлар машғулотларга мунтазам қатнашарди, техникани тезроқ жиловлаб олишга ҳаракат қилишарди. — Ўзбекистон қўриқлари