boshvoq
бошвоқboshvoq
ot Chorva mollarining boshiga bogʻlanadigan arqon; noʻxta.
Sigir oʻgʻirlagan qutuldi, Boshvoq ushlagan tutildi. — Maqol
Oynisa endi sigirning boshvogʻiga qoʻl choʻzganini biladi, naq boshi ustida allanarsa qattiq gumburlab ketdi. — X. Sultonov, Onamning yurti
- Boshvoq solmoq Boʻysundirmoq, jilovlamoq. Ha, ogoh boʻlinglar. odamlar, ogoh, Urushga yoʻl qoʻymang, solingiz boshvoq.ʼ — Gazetadan
- Boshvogʻini yoʻqotib qoʻymoq Oʻzini tuta olmay, bosar-tusarini bilmay qolmoq, hovliqib ketmoq. Baʼzi nodon qizlar boshvoqlarini yoʻqotib qoʻyadilar. — M. Ismoiliy, Odamiylik qissasi
- Boshvogʻi mahkam boʻlmoq Mustahkam, sobit, puxta boʻlmoq. Bosadigan qadamingiz, ogʻizdan chiqadigan soʻzingiz boshvogʻi mahkam boʻlsin. — M. Ismoiliy, Fargʻona tong otguncha
- Boshvogʻi yoʻq itday Oʻz erkiga tashlab qoʻyilgan, qarovsiz, nazoratsiz. Hamma ayb ota-onangda, boshvogʻi yoʻq itday qoʻyib yuborishadi. — Q. Kenja, Togʻ yoʻlida bir oqshom