Поиск

ot 1. Andisha, sharm-hayo bilan tortinish, shunday his-sezgi, uyalish.

Dilora kulib, charaqlab qaytib kelganda, Gʻulomjon har qanday iboga parvo qilmay, boʻlasi yoniga bordi. — M. Ismoiliy, Fargʻona tong otguncha.

Kravsova bu shaloq yigitning bunchalik ibo bilan qilayotgan harakatidan kulgisi qistadi. — Shuhrat, Shinelli yillar

2. Oʻzini, nafsini tiyish, sabr-u qanoat.

3. Ibo (xotin-qizlar ismi).

ot 1. din. Qulluq qilish, sigʻinish, topinish va uning amali; namoz.

Butun koʻhna tarix davomida diniy tarbiya deyilganda, asosan ibodat tushunilgan. — Gazetadan

moʻmin-musulmonlarning roʻza tutishdan maqsadini Ollohning bandalari uz ummatlarini sabr-qanoatga, mehr-oqibatga undaydigan ibodat deb taʼriflaydilar. — Gazetadan

Butxona qoʻngʻirogʻi kechki ibodatga chaqirib, ogʻir va uzun darangladi — A. Qahhor, Tomoshabogʻ

2. Ibodat (xotin-qizlar ismi).

ot Ibodat qilinadigan joy yoki uy, bino (machit, xonaqoh va shu kabilar).

U [Ochil] Bayjuning koʻl boʻyida, eski ibodatxona oldida aytgan ashulalarini yum-yum yigʻlab eshitdi. — P. Qodirov, Uch ildiz

ot 1. din. Uzluksiz toat va ibodat; toat va ibodatlar.

Koʻkcha mahallasidagi kulbayi vayronasida toat-ibodatga mukkasidan ketgan emish. — H. Gʻulom, Mashʼal

Qolgan umrimni bir chekkada uzlatda xudoyi taologa sigʻinib, toat-ibodatda oʻtkazmoqchiman. — Mirmuhsin, Meʼmor

2. koʻchma s. t. Kishining biror maqsad bilan qilgan butun harakati, urinishlari.