Qidiruv

ot 1. Pastki jagʻning har ikki tomoni quyilib kelib birlashgan joyi.

Iyagi choʻzinchoq odam

[Bozorboy] Poygakka choʻkkalab, soʻng bir qoʻli bilan soqoli maysa boʻlib qolgan iyagini silab qoʻydi. — P. Tursun, Oʻqituvchi

— Kel, Said oʻgʻlim, — dedi Moʻmin amaki, iyagi burniga borib kelib uzum yer ekan. — E. Raimov, Ajab qishloq

2. Pastki jagʻ.

— Dadasi boʻlsa, urushda — Xadicha ayaning iyagi qaltiradi. — H. Nazir, Soʻnmas chaqmoqlar

Gulnoraning ochiq koʻzlarida hayot nuri soʻngandi. Roʻmol tugunlarini yechib, iyagini bogʻladim. — Gazetadan

ot 1. Doʻppi, toʻn va shu kabilarning chetiga tutiladigan maxsus ensiz tasma.

Qoʻlda toʻqilgan jiyak.

Uning uzundan-uzun oppoq soqoli, yoqasi ochiq oppoq yaktagi, doʻppisining oppoq jiyaklari, oftobda qoraygan keng koʻkragi — hammasi changga botgan edi. — Sh. Rashidov, Boʻrondan kuchli

U [Bolta aravakash] doʻppisining jiyagini qaytarib, shohi belbogʻ bilan bogʻlab olgan. — K. Yashin, Hamza

2. Biror narsaning gir atrofi, cheti.

Murod uning jiyaklari qizargan koʻzlariga termildi. — S. Ahmad, Qadrdon dalalar

Jiyaklarida boychechaklar oʻsib yotgan nam soʻqmoqdan oq otli yoʻlovchi jadal ketyapti. — Sh. Xolmirzayev, Oq otli

ot Qurʼonning yettidan bir qism suralari tanlab olib tayyorlangan va oʻtmishda diniy maktablarda xrestomatiya vazifasini bajargan alohida kitobcha.

Men Turbatda bolalarga “Haftiyak“, Chorkitob oʻqitib, kunda besh vaqt azon aytib, imomgarchilikka oʻtib turdim. — M. Muhammadjonov, Turmush urinishlari

Hamma narsa bolalar uchun yangi, qiziq edi, chunki ular abjaddan, haftiyakdan boʻlak kitob koʻrmagan edilar. — M. Ismoiliy, Fargʻona tong otguncha

ot Kuz faslining boshlanish payti.

Qirgʻiyak yomgʻiri shivirlab oʻtdi, Choʻpon qoʻchqorlarga tashlaydi nazar. — Gʻ. Gʻulom

ot tar. Vafot etgan kishidan qolgan merosning sakkizdan biri (buni shariat qonuniga muvofiq, marhumning xotini olar edi).

Roʻza tutdim xatm uchun, Qoriga men xasm uchun, Tushganidan hashtiyak Tortib olmoq rasm uchun. — Hamza