Qidiruv

ot 1. Mehnat bilan shugʻullanuvchi, oʻz kuchi bilan hayot kechiruvchi shaxs; mehnatchi.

Shu yoʻsin ariq qazila boshlandi. Lekin ishchi koʻp, oziq-ovqat yoʻq edi. — A. Qodiriy, Mehrobdan chayon

Biz — ishchimiz, mehnatchimiz, Biz ham inson oʻgʻlimiz. — Hamza

2. Korxonalarda jismoniy mehnat qiluvchi (ishlovchi) shaxs; moddiy boylik yaratuvchi ijtimoiy guruh vakili.

Zavod ishchisi. Qurilish ishchisi. Temir yoʻl ishchisi.

Ishga qabul qilishda sinab koʻrish — ishchi yoki xizmatchining unga topshirilayotgan ishga muvofiqligini tekshirib koʻrishdir. — Gazetadan

Eʼzozli oʻquvchim (balki paxtakor, ehtimol, ishchisan, balki ziyoli). — A. Sher

ot 1. Biror zarba, oʻq, uchqun va shu kabilardan saqlanish uchun metalldan qilingan yoki biror qurolga oʻrnatilgan toʻsiq; himoya qalqoni.

Zambarak shchiti.

Ahmadjon pulemyotning qabzasini mahkam ushlagan holda, shchitning teshigidan dushmanni kuzatar, aftidan, sherigining soʻzini eshitmas edi. — A. Qahhor, Oltin yulduz

Egniga kombinezon kiyib, qoʻliga elektrosvarka shchitini ushlab turgan [Samad akaning] yuzi menga juda tanish edi. — S. Ahmad, Iqbol chiroqlari

2. tex. Gidrotexnika inshootlarida: toʻgʻonning suv oʻtkazadigan, surilib ochiladigan yoki yopiladigan temir darvozasi.

Energetika va avtomatika instituti xodimlari kanallardagi suv sathi va oʻtayotgan suv miqdorini, shchit va zatvorlarning holatini avtomatik aniqlovchi asboblar yaratdi. — Gazetadan

3. Namoyish qilish uchun biror eksponat oʻrnatilgan yoki surat solingan katta yupqa taxta.

Yosh ishchilar gazeta sahifasi tasvirlangan katta shchitni koʻtarib olishgan. — Gazetadan

4. maxs. Biror asbob yoki narsa oʻrnatilgan taxta.

Elektr schyotchigining shchiti. Ut oʻchiruvchi asboblar shchiti.

1. Kontaktli oʻlchash asbobining sezgir elementi.

2. Ikki tekislik orasidagi oraliqni oʻlchash uchun parallel oʻlchash tekisliklariga ega yassi parallel chegaralangan uzunlik oʻlchovi.

sft. 1. Taʼmi ogʻiz-tilni achitadigan, lovullatadigan.

Achchiq garmdori.

Fargʻona vodiysidan boshqa joylarga ekiladigan turp negadir achchiq taʼm, taxir mazaga ega boʻladi. — K. Mahmudov, Qiziqarli pazandalik

2. Nordon, tishni qamashtiradigan.

Achchiq (donali) anor.

Otasi achchiq olma yesa, oʻgʻlining tishi qamashadi. — Maqol

3. Sezgi aʼzolariga qattiq taʼsir qiladigan, oʻyuvchi.

Achchiq gaz. Achchiq tamaki. Achchiq hid.

Jiqqa hoʻl oʻtin yolgʻiz pirs-pirs qilib, achchiq zahar tutun buriqtiradi. — Oybek, Tanlangan asarlar

4. Jazillatadigan, jonni achitadigan.

Dalalarda kech kuzning achchiq shamoli esa boshladi. — S. Ahmad, Qadrdon dalalar

Tashqarida shamol uvullar, achchiq sovuq naq badanni kesib ketguday edi. — Gazetadan

[Sherbek] Toʻrigʻini egarladi. Oʻzini egar ustiga olar-olmas, otga achchiq qamchi bosdi. — S. Anorboyev, Oqsoy

5. koʻchma Kishiga qattiq tegadigan, koʻngilga ozor beradigan; qattiq, noxush.

Achchiq istehzo. Achchiq tanqid. Haq soʻz — achchiq soʻz. — Maqol

U hatto bu achchiq taʼnalarni eshitmaganday.. sur boʻlib turardi. — Mirmuhsin, Umid

6. koʻchma Gʻam-iztirobli; alamli.

Uning achchiq koʻz yoshlari har qanday odamga taʼsir qilmasdan qolmasdi. — Yoshlik

Cheki koʻrinmas bu soʻqmoq yoʻlovchining madorini, nainki madorini, jonini oladigan qismatday achchiq. — Saodat

7. ot Qahr, jahl; zarda.

Hozir mening achchigʻim ham qahrim bor. — Erali va Sherali

Bobongning achchigʻi qursin, yomondir. — Nurali

8. ot Qiyinchilik, mashaqqat; gʻam-gʻussa, gʻam-hasrat; azob-uqubat,

Achchiq bilan chuchukni totgan bilur, uzoq bilan yaqinni yurgan bilur. — Maqol

Bir achchiqning bir chuchugi bor. — Maqol

Turmushning achchiqlarini totib koʻrgan.. qadimgi batrak Abdurasul bu kunlarda oʻz muddaosining amalga oshayotganini his etar edi. — P. Tursun, Oʻqituvchi

ot 1. shv. Bola.

Duoyi salom oʻsha bachchalarning onasiga, umid bilan bir yostiqqa bosh qoʻyib, kecha-kunduz duoyi jonimda boʻlganga! Oydin, Shirin keldi.

2. etn. Birovning (akavachchasining) qaramogʻida va ixtiyorida boʻlgan xushroʻy, kelishgan oʻyinchi oʻgʻil bola; besoqol.

Oʻsha bachcha ham odam farzandi. Ota-onasi kambagʻallikdan uni bachchalikka sotgandir. — Oybek, Tanlangan asarlar

3. Umuman oʻyinchi bola, raqqos.

Nogʻorachining bachchasi.

Oʻrtada oʻn olti-oʻn yetti yashar bachcha oʻynaydi. — Oybek, Tanlangan asarlar

Nogʻora choʻpining tez urilishi, bachchaning bir aylanishi va kuchli, yalpi qiyqiriq bilan bazmning birinchi qismi tugadi. — Oybek, Tanlangan asarlar

ot Lavlagi, karam va boshqa sabzavot hamda rezavorlar, goʻsht solib pishirilgan suyuq ovqat; karam shoʻrva turi.

Jumladan, shu kunlarda borshchning mavsumi, buning uchun xaridor doʻkonga kelganda, karam, lavlagi, qizil sabzi, tomat, piyoz va turli rezavorlarni olishi kerak. — Gazetadan