Qidiruv

1. граница, предел

haddan tashqari беспредельно, сверх меры, чересчур

2. возможность выполнения чего-либо, право

n right

• haddi sigʻmoq be willing; decide, be sincere, candid, truthful

sft. 1. Odatdagi, har vaqt boʻlib, uchrab turadigan, oʻrganish boʻlib qolgan.

Oddiy mashgʻulot. Oddiy yoz tongi.

Quyosh Kalhovuz suvi boʻylab oʻsgan qalin tollarning uchida oʻynaydi. — Oybek, Tanlangan asarlar

Yusufbek hoji bekning uylanishini ham oddiy gaplar qatorida eshitib oʻtkazdi. — A. Qodiriy, Oʻtgan kunlar

2. Anglashilishi, hal etilishi oson, uncha murakkab boʻlmagan; oson, joʻn.

Oddiy savol. Oddiy masala.

Biz, kattalar, koʻpincha oddiy haqiqatni unutamiz, yoshlarga ishonchsizlik bilan muomala qilamiz. — Gazetadan

Naynov oddiy narsaga ham aqli yetmagani alam qilib, yana sigaretaga yopishdi. — F. Musajonov, Himmat

3. Koʻp qatoridagi, boshqalardan alohida ajralib turmaydigan.

Bir vaqt oʻrtaga sochlari oʻsgan, oʻziga ortiqcha eʼtibor qilmay, oddiygina kiyingan bir yosh shoir chiqib, muhabbat haqida sheʼr oʻqiy boshladi. — Shukrullo, Saylanma

4. Sifat jihatidan aytarli yaxshi emas; joʻn; sodda, hashamdor emas.

Oddiy chit.

Gulnor oddiy qizil koʻzli kumush uzukni choʻntagidan olib, Unsinga berdi. — Oybek, Tanlangan asarlar

Salim akaning tepalikdagi uyi oddiy qishloq uylaridan boʻlib, tashqaridan toʻgʻri uyga kirilardi. — Yoshlik

5. Kamtar, kamsuqum, odmi.

Oddiy odam.

6. Shunchaki, nomiga.

Bir haftadan keyin qiz Jamolzodaning ustaxonasiga tashrif buyurdi. U Koʻkkoʻl tongini koʻrib, ogʻzi ochilib qoldi. Oʻshanda koʻrgani hozirgi polotnoning oldida oddiy ermak edi. — Yoshlik

n body, figure

1. Aynan, aniq.

Inobatning xuddi oʻziga oʻxshagan nozikkina, qora qosh, qora koʻz bir singlisi bor edi. — O. Yoqubov, Er boshiga ish tushsa

Bir oydan keyin xuddi mana shu katta bogʻda dangʻillama toʻy boʻldi. Oʻ. — Hoshimov, Qalbingga quloq sol

Xuddi shu payt eshik gʻiyqillab ochildi. Oʻ. — Hoshimov, Qalbingga quloq sol

2. Roppa-rosa, toʻppa-toʻgʻri, aniq.

Men xuddi soat oʻnda keldim.

Agar oʻsha ketishi boʻlsa, bugun xuddi Qoʻqonga borib yetgan. — A. Qodiriy, Oʻtgan kunlar

3. Goʻyo, goʻyoki; baayni.

— Keldingizmi? — dedi Alimardon, xuddi uning albatta kelishini bilganday. — Oʻ. Hoshimov, Qalbingga quloq sol

4. Hoynahoy; aftidan.

[Maysara:] Shoshmang, taqsirim! Hozir chiqib boʻlmaydi! U xuddi gumonsirab kelgan, ehtimol, har tomonga odam qoʻygandir. — Hamza, Maysaraning ishi

sft. 1. Puxta oʻylab, chuqur mulohazalarga suyanib ish koʻradigan; mulohazali.

Jiddiy yigit. Jiddiy olim.

Anvar yosh boʻlsa ham, jiddiy, kichkina miyasi muhokamaga qobil edi. — A. Qodiriy, Mehrobdan chayon

2. Muhim ahamiyatga ega boʻlgan, muhim.

Oqsoqol qaramadi ham, indamadi ham. Goʻyo jiddiy bir narsani oʻylayotgandek, koʻzlarini suzib, choy hoʻpladi. — P. Tursun, Oʻqituvchi

-Romanlar bizda yoʻq, — dona-dona gapirdi Mustafo Sodiq, — jiddiy va ijtimoiy ahamiyati zoʻr boʻlgan qissalar ham yoʻq. — Oybek, Nur qidirib

Ishyoqmaslarga qarshi kurash ichki ishlar organlari oldida turgan jiddiy vazifalardandir. — Gazetadan

3. Oʻy-fikrga choʻmgan, oʻychan, salobatli, sipo, vazmin (kishi qiyofasi, tashqi koʻrinishi haqida).

Vagonda hamma jiddiy, kamsuxan. — T. Rustamov, Mangu jasorat

-Hozir hosil oʻchun kurashning avji vaqti,— dedi Oʻktam jiddiy tus bilan. — Oybek, Oltin vodiydan shabadalar

Saidiyning jilmayib tolmagan basharasi birdan jiddiy tus oldi. — A. Qahhor, Sarob

4. Chin, rost, behazil; tayinli.

Jiddiy vaʼda.

Lekin Muborakning gaplarini jiddiyga yoʻymadi. — S. Zunnunova, Koʻk chiroqlar

Bunday achchiq pichingga javob qaytarish yoʻlini topolmagan Hasan borib uning roʻparasida oʻtirib: — Kel boʻlmasa, jiddiy soʻzlashaylik,— dedi. — S. Ayniy, Qullar

Sherbek kuldi: Siz oʻrgating. Yoʻq, Nigora, men jiddiy gapiryapman. — S. Anorboyev, Oqsoy

5. Yomon oqibatlarga olib borishi mumkin boʻlgan; yomon, xavfli.

Jiddiy kasallik.

Xurramovning yelka yarasi jiddiy edi. — Nazarmat, Joʻrlar baland sayraydi

Pilla qurtining kushandasi koʻp, hushyor turilmasa, qurt-qumursqalar, qushlar, tovuqlar jiddiy zarar yetkazib qoʻyishi mumkin. — Gazetadan

6. Oʻylanganidan murakkab, keskin, ogʻir.

Sen, ogʻayni, tushunmaysan, bular orasidagi gap ancha jiddiy. — S. Karomatov, Oltin qum

7. Astoydil, jon-jahd bilan, rostakamiga.

Xat-savod chiqarishga jiddiy berildim. — N. Safarov, Olovli izlar

Vakillaringiz sanʼat bayramiga jiddiy tayyorgarlik bilan keldilar. — Gazetadan

Hamidullayevning oʻzi ham sholikorlik bilan endi jiddiy shugʻullanyapti. — Oʻzbekiston qoʻriqlari

8. Yetarli asosga ega boʻlgan, asosli; muhim.

Haqiqatan ham uning sheʼr yozishiga jiddiy sabab bor edi. — P. Qodirov, Uch ildiz

Raxim Boltayev nima uchun jiddiy talablar qoʻyilishini izohlab berdi. — Oʻzbekiston qoʻriqlari

9. Alohida, masʼuliyat bilan.

Yosh talantlarni tanlash va ularni tarbiyalash ishiga jiddiy eʼtibor bermogʻimiz kerak. — N. Safarov, Olovli izlar