Qidiruv

ot 1. Bir-biriga qoʻshni, yondosh boʻlgan viloyat, tuman, hudud orasidagi had, boʻlinish, ajralish chizigʻi.

Endi Qorabuloq chegarasidagi dovondan oʻtib olishsa, u yogʻi oson. — M. Ismoiliy, Fargʻona tong otguncha

2. Qoʻshni davlatlarning suvdagi va quruqlikdagi hududini, doirasini koʻrsatuvchi chiziq.

Davlat chegarasi. Chegara soqchisi.

Qalandarlar chegaradagi nazorat punktidan xat-hujjatlarini koʻrsatib, Turkiston tuprogʻiga oʻtishdi. — K. Yashin, Hamza

3. Oxir, nihoya, poyon.

Choʻlning chegarasi yoʻqdek. — . R. Fayziy, Choʻlga bahor keldi.

4. koʻchma Chek, meʼyor; oʻlchov; doira.

Odob chegarasi.

Ammo u sabr-bardoshning ham chegarasi borligini allaqachon bilib olgan — X. Sultonov, Onamning yurti

Bu gazandalar vahshiyligining chegarasi yoʻq ekan-da! — T. Rustamov, Mangu jasorat

sft. 1. Belgili chegara bilan oʻralgan, chegarasi boʻlgan, maʼlum chegara doirasidagi.

2. koʻchma Maʼlum talab, oʻlchov, meʼyor va shu kabilar bilan cheklangan; chekli, oʻlchovli; hisobli.

Nikolinning qalbini yangi bir qoʻrqinch tatalardi: oʻq-dori, oziq-ovqat unda chegarali edi. — Oybek, Quyosh qoraymas

ot Davlat chegaralarini muhofaza qiluvchi harbiy xizmatchi; chegara xizmatchisi, soqchisi.

Mening yorim chegarachi — yovga yoʻl bermas. — Qoʻshiqlar

sft. 1. Belgili chegarasi yoʻq, maʼlum chegara bilan ajratilmagan.

2. koʻchma Cheklanmagan, hech qanday chek, chegara qoʻyilmagan yoki qoʻyib boʻlmaydigan, cheki, chek-chegarasi yoʻq; cheksiz, bitmas-tuganmas, benihoya.

Chegarasiz xayollar.

Qizning orzulari chegarasiz edi. — Yoshlik

ot Umumiy chegaraga ega boʻlgan, yonma-yon joylashgan; qoʻshni.

Chegaradosh davlatlar.

Kolxoz katta, bu yogʻi konchilar shahri Kensoyga chegaradosh. — S. Siyoyev, Otliq ayol

Mirzakarimboy odamlarning yerlarini — agar ularning yerlari oʻz yerlariga chegaradosh boʻlsa — oʻzinikiga qoʻshish uchun har qanday nomus va adolatning betiga tupurar edi. — Oybek, Tanlangan asarlar

delimitation, demarcation