Qidiruv

ot 1. tar. Qadimda yoʻllarda karvonlar va yoʻlovchilar toʻxtab dam oladigan maxsus joy, manzil.

Otabek bir necha bekatga mehmonlarni kuzatib borib, soʻngra qaytmoqchi edi. — A. Qodiriy, Oʻtgan kunlar

U [Toʻrgʻay] oʻziga maʼlum boʻlgan ikki bekatda otni oʻzgartirdi. — Mirmuhsin, Temir Malik

2. tar. Pochta stansiyasi.

Xat ham tez kelmaydi, baʼzan bekatlarda yoʻqolib ketadi. — J. Sharipov, Xorazm

3. Yoʻlovchilarning biror transport turi (masalan, avtobus, tramvay yoki metro)ga chiqish va undan tushishlari uchun belgilangan joy.

Avtobus bekati.

Yer osti bekatlari pardozida kulolchilik sanʼati namunalaridan keng foydalanilyapti. — Gazetadan

Eshaklar dikir-dikir yoʻrgʻalab, Kosondan chiqdi va temir yoʻl bekatiga qarab burilgan yoʻl boʻylab ketdi. — Sh. Toshmatov, Erk qushi

4. koʻchma Hayotda bosib oʻtiladigan yoʻlning maʼlum bosqichi, marrasi.

Hayotning umumiy oqimi bilan birga hamisha olgʻa intilib, yangidan-yangi bekatlarni bosib oʻtayotganini, ulugʻ manzil sari hormay-tolmay suzayotganini eslab, qalbi sevinch va quvonch bilan toʻlardi. — Sh. Rashidov, Boʻrondan kuchli

Yangi yil boʻsagʻasi ularning yana bir bekati goʻyo. — Saodat

ot Temir yoʻl bekatining xizmatchisi; bekat nazoratchisi.

Bekatchining biri yigitlarni koyigansimon qoʻlini siltadi. — H. Nuʼmon va A. Shorahmedov, Ota

Yoʻlda avtobuslarning qisqa muddatli toʻxtashlari uchun tushish maydonchasi va ayvonchasi boʻlgan yoki yoʻlovchilar uchun pavilon va tezlikni oshirib oʻtish joyi boʻlgan, maxsus jihozlangan maydoncha

n stop, station

• avtobus ostanovka (bekat)si bus station (stop)
• soʻnggi ostanovka (bekat) terminal

ot Shaharlararo avtobus va taksilar kelib toʻxtaydigan katta (asosiy) bekat.