Qidiruv

ot 1. Asir tushgan odam, tutqun, asir.

Bandi boʻlmoq.

Sarbozlar oʻn chogʻli kishini bandi qilib, Xivaga haydab ketdilar. — S. Siyoyev, Avaz

Xolxoʻja bandilarning qoʻlini yechishni buyurib, koʻrpachadan joy koʻrsatdi. — S. Ahmad, Hukm

2. Zindonga tashlangan, qamoqqa olingan odam.

Toʻrt bandini zindondan olib keldilar. — S. Ayniy, Esdaliklar

Joʻra shu Bekning sassiq qamoqxonasida bir yarim oy bandi boʻlib yotganida, oʻsha Nazar jallod har kuni ikki mahal Joʻrani qamchilatar edi. — H. Shams, Dushman

3. koʻchma Biror narsaga, holatga berilib ketgan, biror kimsa yoki narsaga bogʻlanib qolgan; maftun.

U xayollariga bandi boʻlib, dam gʻazablanib, dam oʻziga-oʻzi tasalli berib borardi. — Yoshlik

Koʻzi oʻtgan-ketganlarda, xayoli esa turli oʻylar toʻfoniga bandi boʻlgan. — Yoshlik

Odam borki, kindik qoni tomgan yerga bandi u. — Yoshlik

U hanuz bu qadar bekorchilikka bandi boʻlmagan edi. — T. Malik, Qaldirgʻoch

4. koʻchma Kishanlangan, zanjirband.

Bolam Avaz, eshit mening hasratim, qoʻl-oyogʻim bandi, kimga aytayin dardim. — Malikayi ayyor

ot Bosqinchilik, oʻgʻrilik, kallakesarlik bilan shugʻullanuvchi qurollangan shaxs.

Banditlar shaykasi.

Ular (militsiya) qurollangan banditlar, pixini yorgan jinoyatchilarga qarshi kurashishi kerak. — Fan va turmush

Zaynabbibi banditlar bilan mislsiz olishuvda jasorat koʻrsatib, halok boʻladi. — Guliston

ot esk. Zindon qoʻriqchisi, turma nazoratchisi.

Ikki bandibon tagdagi zindondan ikki bandini chiqarib, xonning yasovullariga topshirdi. — Erali va Sherali

Bir necha soat oʻtgandan keyin, obxona eshigi ochilib, bandibon yigitchani ozodlik bilan tabrik qildi. — S. Ayniy, Doxunda

ot Tutqunlik, asirlik holati; tutqun boʻlishlik.

Borsang, salom degin sulton bobomga, Bandiligim bildir gʻamxoʻr otamga. — Nurali

Kelib seni bandilikdan boʻshatdi. — Oysuluv

ot Kimsaning baxt-u iqbolini, omadini toʻsish, uning yoʻlini bogʻlash maqsadida turli xil ip, ipak yoki matodan sehr-u jodu yordamida tayyorlangan band, tugun.

Paricha ularga dam soladi, rango-rang ipdan bandibast qilib beradi. — N. Aminov, Yolgʻonchi farishtalar

ot Qurollanib, yakka yoki guruh boʻlib bosqinchilik va zoʻravonlik bilan shugʻullanish, banditlik.

Ozodlikdan mahrum qilish muhlatini kamaytirish alohida xavfli jinoyatlar, banditizm va bosqinchilik uchun tatbiq qilinmaydi. — Gazetadan