sft. 1. Achchigʻi tez, jahli yomon.
Badjahl odam,
Badjahl va qattiqqoʻl Valixonning bu xushnudligidan bek navkarlari yengil tortib, zoʻrma-zoʻraki iljayardilar. — Sh. Toshmatov, Erk qushi
Sajiya badjahl, tili zahar xotin, sal narsaga chaqib oladi. — S. Siyoyev, Otliq ayol
2. koʻchma Qudratli, kuchli; haybatli, dahshatli.
Omochning tishini sozlashni, sandonda temir parchinlashni, turli asbob yasashni oʻrganar, qur-qur temirni kemirayotgan, sehrgar, badjahl olovga uzoq tikilib oʻy surardi. — K. Yashin, Hamza
Quyuq, bahaybat, badjahl bulutlardan yirik yomgʻir tomchilari savalab turardi. — Oybek, Quyosh qoraymas