ot 1. Folklor janri: avloddan avlodga, ogʻizdan ogʻizga oʻtib kelgan uydirma, toʻqimadan iborat, baʼzan diniy mazmundagi hikoya, rivoyat va sh. k.
Togʻ qishloqlarining tesha tegmagan, ishonsa ham, ishonmasa ham boʻladigan gʻalati ertaklari, afsonalari boʻladi. H. Gʻulom, Mashʼal.
2. Koʻchma Asossiz gap, yolgʻon-yashiq, uydirma.
3. Koʻchma Aql bovar qilmaydigan, aqlga sigʻmaydigan narsa,
[Odamlar] Mirzachoʻl atalmish qadimiy, bagʻri keng sahroda birga qoʻl tutishib.. afsonalarni haqiqatga aylantirishmoqda. — V. Abdullayev, Qanotli orzular
- Afsona boʻlmoq El-xalqqa gap-soʻz boʻlmoq, elga doston boʻlmoq. Izlab seni har koʻchada, El ichra koʻp sharmanda ham afsona boʻldim sogʻinib. — Hamza
- Afsona toʻqimoq Uydirma gap qilmoq, boʻlmagʻur gap-soʻz toʻqimoq. Ming bir kechaning Shahrizodasi afsona toʻqib, oʻlimdan qutulib qolganday, Muxtorxon ham yuqoridagi singari rivoyatlar panohida omon yuribdi. — H. Gʻulom, Mashʼal