Қидирув

сфт. 1. Сифати, фазилати ва ш.к. жиҳатидан энг юқори; асил.

Корхонадан ҳар куни 28 тонна аъло сифатли маҳсулот олинмоқда. — Газетадан

Мактабда Сатторни ҳамма яхши кўрарди: зеҳнли, ўқишда ҳам, хулқда ҳам аъло бола эди. — Ў. Усмонов, Қисмат

2. Ўқув юртларида: беш балли тизимда энг юқори баҳо.

Хўп, ҳозир кўрамиз.. “Яхши!“.. “Ўрта“.. “Ўрта“.. Қани “аъло“? Русчадан нима учун яхши? — А. Қаҳҳор. Айб кимда?

3. Аъло (эркаклар ва аёллар исми).

от 1. Пиёздошлар ёки лоладошлар оиласига мансуб, серсув ва этдор баргли тропик ва субтропик ўсимлик; сабур.

2. Шу ўсимлик баргининг ширасидан тайёрланган дори.

от айн. Алое.

Алойдан уй табобатида жуда қадимдан фойдаланиб келишган. — Саодат

1. aqırı, aqır ayağında

2. zorğa

от 1. Турли воситалар ёрдамида ахборотларни узатиш ва қабул қилиш; халқ хўжалигининг почта, телефон, телеграф, радио, телевидение ва б. орқали ахборотларни узатиш ва қабул қилишни, почта орқали буюмлар юборишни таъминлайдиган тармоғи.

Почта алоқаси. Телефон алоқаси.

2. Кишилар ёки нарсалар, воқеалар, ҳодисалар ўртасидаги ўзаро муносабат, ички боғланиш.

Саноатнинг деҳқончилик билан алоқаси. Фаннинг ишлаб чиқариш билан алоқаси. Ҳокимиятнинг кенг меҳнаткашлар оммаси билан алоқаси.

3. Кишилар, ташкилотлар, давлатлар ўртасидаги муомала, муносабат, боғланиш; борди-келди.

Қардошлик алоқаси. Дўстлик алоқаси. Савдо алоқалари. Алоқамиз яхши. Алоқалари ёмон. Алоқа боғламоқ. Алоқада бўлмоқ. Алоқа қилмоқ.

Хуллас, алоқамиз бузилиб қолди. — Ҳ. Назир, Чўл ҳавоси

[Анвар] Яхши оилага куёв бўлганидек, шаҳардаги бошқа давлатмандлар билан ҳам алоқа боғлади. — А. Қодирий, Меҳробдан чаён

[Ҳаким бойвачча] Абдишукур билан яхши алоқада бўлишга тиришар эди. — Ойбек, Танланган асарлар

4. Дахлдорлик, тегишлилик, дахл.

Очил бу гапларнинг менга алоқаси ёʻқ дегандай қилиб, қадамини тезлаштирди ва коридор тўла студентларга аралашиб, кўринмай кетди. — П. Қодиров, Уч илдиз

Уларни, биринчи навбатда, жиноятга алоқаси бор, шубҳали ҳаёт кечирувчилар ёқтирмайди. — Газетадан

5. Севги муносабатлари.

Анвар хусусий ҳаёти, айниқса, Раънога алоқасидан ҳеч кимга оғиз очмас эди. — А. Қодирий, Меҳробдан чаён

от 1. Аъло баҳога ўқувчи.

Икковимиз ҳам бир институтда ўқидик. У [Муҳаррам] ҳам аълочи эди, — деди Элмурод. — Шуҳрат, Шинелли йиллар

2. Ўз ишини, вазифасини аъло даражада бажарувчи ёки фақат аъло сифатли маҳсулот ишлаб чиқарувчи.

Аълочи бригада. Аълочи сотувчи. Корхона аълочиси.