Қидирув

от 1. Муайян бирлик ёки миқдорнинг ёʻқлигини ифодаловчи 0 белгисининг номи.

2. Иссиқлик ва совуқлик температуралари ўртасидаги шартли чегара.

Сув нол даражада музлайди.

Сув ҳароратини нол даражага етказгач, яланг оёқ қорда юриш ҳам ҳеч гап эмас. — Фан ва турмуш

от 1. Ғам-алам, ҳасрат ифодаловчи аянчли овоз; афғон, фиғон, фарёд.

Инграб, ўксиб қолган онасиз Кўкка, ерга сиғмас ноласи. — Ҳ. Пўлат

Ғуломжон руҳий азоб оташида қовурилиб, хўрлик жон-жонидан ўтиб кетган кезларида ўзини тутолмай нола қиларди. — М. Исмоилий, Фарғона тонг отгунча.

2. Ёлвориш, ўтиниш, илтижо ифодаловчи овоз, мунгли товуш.

[Миркарим] Кеча-кундуз худога ибодат ва нола қилиб, пачава бўлган ўз ишининг ўнгланишини ва тотли ўтмишнинг қайтарилишини сўрарди. — П. Турсун, Ўқитувчи

3. кўчма Қушлар сайраши ёки мусиқа асбобларидан тарқалган овоз.

Дутор ноласи.

Девор орқаси Соҳиб қорининг анорзори. Ҳаммаёқ жимжит, фақат онда-сонда булбуллар ноласи эшитилади. — И. Раҳим, Чин муҳаббат

Найнинг сеҳрли ноласи бутун дала бўйлаб акс садо берди. — Газетадан

4. Мусиқа безакларидан бири; ашула айтганда, бирор сўз ёки сўз бўғинида овозни чўзиб, тебратиб хониш қилиш.

от эск. кт. Нола, фиғон қилувчи, афғон чекувчи.

Отмагай тонг боғаро азминг хиромон бўлмаса, Булбули шайдолари гул узра нолон бўлмаса. — С. Абдулла

nalalı, hásiretli

Нола, фиғон

Ҳар ким титрар Ши-ринбек нолишига, Ёқаси ҳўл кўздан оққан ёшига — "Ширин билан Шакар"

фл. Норозилик изҳор қилмоқ, шикоят қилмоқ, зорланмоқ.

Тиллабувадан кейин сўзга чиққанларнинг бири камбағалчиликдан нолиб, яна бири муштумзўрлар ҳақида Тиллабуванинг сўзини қувватлади. — А. Қаҳҳор, Қўшчинор чироқлари

Раҳмат, биродар. Соғлигимдан нолимайман. Узоқ йиллар шоличилик бригадасига бошчилик қиламан. — Газетадан