Qidiruv

1. Yongʻin, oʻrmon yoki choʻl yongʻini.

2. Oʻrmon yoki choʻlda yongʻin boʻlgan (yongan) joy.

ot 1. Qovun, bodring kabi oʻsimliklarning yerda yoyilib oʻsadigan tana, shox va barglari.

Qovun palak otibdi. Palak yozgan tarvuz.

Domlalarni choy va dasturxon tayyor boʻlguncha ovutib turish uchun mulla Obid palakdan uch-toʻrtta qovun uzib chiqadi. — A. Qodiriy, Obid ketmon

Ishkom va shaftolilar uchastka chetidagi qovun-tarvuz palaklari ustidan oʻz soyalarini yigʻib olmoqda edi. — P. Qodirov, Uch ildiz

2. Palak otmoq Ildiz otmoq, avj olmoq; koʻpaymoq, mustahkamlanmoq.

Natijada VIII—IX asrlardan boshlab Termizda sayidlar avlodi palak otib, mashhur boʻlib ketdi. — Fan va turmush

Chunki bu yerda rasmiyatchilik palak otgan: mendan ketguncha, egasiga yetguncha, qabilida ish tutilmoqda. — Gazetadan

3. Tup qoʻyib, palak otmoq Mustahkam oʻrnashib, martabasi oshmoq; bola-chaqali boʻlib ketmoq.

Stansiyadagi moʻtadil havo sekin-asta Salimjonni avval dotsent, keyin professor qilib, tup qoʻyib, palak ottira boshladi. — Mirmuhsin, Umid

Qaytish bizning qismatimizda boʻlmasa, sizlarda bordir. Zurriyotimiz ota yurtda tup qoʻyib, palak otsa, ming bor shukr qilamiz. — Yoshlik

Palau Republik Palau - - Koror

n flop, smack, plop, splash, squelch

ot 1. Juda, oʻta ortiq darajada kir, iflos.

Palid narsa.

Ammo bunday palid joyga kirganimni arvohlar ham yoqtirmagan boʻlsalar kerak. — A. Qodiriy, Kichik asarlar

Oltin palid va harom narsa, men uni qoʻlimga olishga hazar qiladurman. — M. Osim, Karvon yoʻllarida

2. Koʻchma Oʻtaketgan yaramas, qabih, razil, jirkanch, yomon.

Palid odam,

[Mirkomil] Endilikda koʻrshapalakdek tunda izgʻib yurgan zararkunanda, palid. — H. Gʻulom, Mashʼal

Hayhot, oʻshal joyda qaysidir palid Uning qismatiga qayraydi pichoq. — A. Oripov, Yillar armoni

ot 1. Muayyan davr, vaqt, payt.

Yoz pallasi. Yoshlik pallasi. Shu pallada.

Dehqon tong pallasi safarga chiqdi, Yurtim deb bir yoʻli hasharga chiqdi. — M. Yusuf, Uyqudagi qiz

Arpa oʻroqqa kirgan palla edi. Matpano oʻrogʻini yoʻqotib qoʻyib diqqat boʻldi. — S. Siyoyev, Avaz

Dalada yoz pallasida yoyilib oʻtirish — rohat. — Oybek, Tanlangan asarlar

2. Bosqich, pogʻona, davr.

Tarixiy taraqqiyotning yangi pallasi.

El bilan birga uzoq yoʻl bosdim, bunday pallalarni yaxshi bilaman. Xalqning qismatida tarixiy kunlar boshlanmoqda. — Sharq yulduzi